22.05.2026 | 10:21
Այդ տեսանյութի անձինք 2024-ից ՀՀ-ում չեն. Փաշինյան․ ՏԵՍԱՆՅՈՒԹ
5 մլն դրամ՝ նախագահի աշխատակազմին՝ Մտքերի գագաթնաժողովի կազմակերպչական հարցերի համար
Քաղաքականություն
13.06.2019 | 12:33
2019 թվականի հունիս 7-9-ը ՀՀ նախագահ Արմեն Սարգսյանի հովանու ներքո Երևանում և Դիլիջանում անցկացվեց Մտքերի գագաթնաժողով (Summit of Minds)։
Այդ գագաթաժողովի կապակցությամբ հյուրերի համար նախագահի կողմից կազմակերպված ընդունելության և որոշ այլ կազմակերպչական հարցերի համար ծախսվել էր 5 մլն դրամ, որն էլ այսօր գործադիրը հատկացրեց նախագահի աշխատակազմին։
Նշենք, որ Մտքերի գագաթնաժողովն (Summit of Minds) առաջին անգամ անց է կացվել Ֆրանսիայի Շամոնի քաղաքում, Հայաստանն առաջին երկիրն է, որ հյուրընկալել է այս միջոցառումը Շամոնիից դուրս:
Մտքերի հայկական գագաթնաժողովին մասնակցել են ավելի քան 200 անվանի ու ազդեցիկ քաղաքական գործիչներ, գիտնականներ, գործարար-ներդրողներ, խոշորագույն ընկերությունների և լրատվամիջոցների ղեկավարներ ողջ աշխարհից:
Միջոցառման կազմակերպման հետ կապված բոլոր ֆինանսական ծախսերը հոգացել են նաև Հայաստանի Հանրապետության մի շարք մասնավոր ընկերություններ:
Նշենք նաև, որ նախագիծն ընդգրկված է Կառավարության հունիսի 13-ի նիստում՝ չզեկուցվող հարցերի շարքում․ նախագծի զեկուցողն է Ֆինանսների նախարար Ատոմ Ջանջուղազյանը։
