02.09.2026 | 22:49
Հարսանիքի ժամանակ տունը թալանել են․ բացահայտվել է բնակարանային 6 գողություն
Կառավարությունը 34 մլն դրամ հատկացրեց Բաղրամյան 26-ում կոմունալ ծախսերի վճարման համար
Քաղաքականություն
13.06.2019 | 12:16
Հանրապետության նախագահի աշխատակազմի բնականոն գործունեությունն ապահովելու նպատակով կառավարության պահուստային ֆոնդից հատկացվեց 34,100.0 հազ. դրամ, որից՝ առաջին կիսամյակում՝ 11,600.0 հազ. դրամ, ինն ամսում՝ 22,900.0 հազ. դրամ:
Համապատասխան որոշման նախագիծն ընդգրկված էր Կառավարության հունիսի 13-ի նիստում՝ չզեկուցվող հարցերի շարքում։
Նախագծի զեկուցողն էր Ֆինանսների նախարար Ատոմ Ջանջուղազյանը։
Ըստ նախագծի հիմնավորման՝ քանի որ նախագահի աշխատակազմը Երևան քաղաքի Մաշտոցի պողոտա 47 հասցեից տեղափոխվել և իր գործունեությունն իրականացնում է Մարշալ Բաղրամյանի պողոտա 26/1 հասցեում, դրա հետևանքով կումունալ ծախսերի, ինչպես նաև պարտադիր վճարների գծով կա ծախսերի ավելացում, ինչի համար էլ անհրաժեշտ է ՀՀ պետական բյուջեից լրացուցիչ ֆինանսական միջոցներ հատկացնել։
