30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Տոկաևը երդվել է և ստանձնել Ղազախստանի նախագահի լիազորությունները
Քաղաքականություն
12.06.2019 | 14:15
Քասիմ-Ժոմարտ Տոկաևը, որը հաղթել էր կիրակի անցկացված ընտրություններում, երդվել է և ստանձնել Ղազախստանի նախագահի լիազորությունները: Այս մասին գրում է ՌԻԱ Նովոստին:
«Հանդիսավորությամբ երդվում եմ հավատարմորեն ծառայել Ղազախստանի ժողովրդին, խստորեն հետևել Ղազախստանի Սահմանադրությանն ու օրենքներին, երաշխավորել քաղաքացիների իրավունքներն ու ազատությունները, բարեխղճորեն կատարել ինձ վրա դրված Ղազախստանի Հանրապետության նախագահի բարձր պարտականությունները»,- երդմնակալության հանդիսավոր արարողության ժամանակ ասել է Տոկաևը:
Նա նաև ընդգծել է, որ իր գլխավոր նպատակը լինելու է երկրի քաղաքացիների «իրական բարեկեցությունը»:
Հիշեցնենք, որ հունիսի 9-ին Ղազախստանում նախագահական ընտրություններ էին: Երկրի ԿԸՀ-ի տվյալներով՝ Տոկաևը հաղթել է 70.96% ձայնով: Նրա թեկնածությունն առաջադրել էր Ղազախստանի առաջին նախագահ Նուրսուլթան Նազարբաևի ղեկավարած Nur Otan կուսակցությունը:
