13.06.2026 | 13:18
«էն փողը տվի՞ր», «Չէ, հեսա կտամ ապո, տալով ման եմ գալի»․ ՀԿԿ-ն ընտրակաշառքի մասին գաղտնալսում է հրապարակել․ ՏԵՍԱՆՅՈՒԹ
Սեուլը 8 մլն դոլար կփոխանցի ՄԱԿ-ին՝ Հյուսիսային Կորեային պարենային օգնություն տրամադրելու համար
Քաղաքականություն
11.06.2019 | 11:57
Հարավային Կորեան այս շաբաթ 8 մլն դոլար կփոխանցի ՄԱԿ-ին՝ Հյուսիսային Կորեային պարենային օգնություն տրամադրելու համար: Այս մասին գրում է Interfax-ը՝ վկայակոչելով Yonhap գործակալությունը:
«Ակնկալում ենք, որ միջոցները ՄԱԿ-ի հաշվեհամարին կփոխանցվեն արդեն այս երեքշաբթի կամ չորեքշաբթի»,- ասել է Հարավային Կորեայի Միավորման նախարարության՝ Հյուսիսային Կորեայի հետ կապերի պատասխանատուն:
Նշվում է, որ սա Հյուսիսային Կորեային ուղղված առաջին մարդասիրական օգնությունն է 2017 թվականից ի վեր:
Հյուսիսային Կորեայում 1982 թվականից ի վեր ամենաուժեղ երաշտն է արձանագրվել: 2019թ. առաջին հինգ ամիսներին երկրում միջինը 54.5 մմ տեղումներ են գրանցվել, ինչն ամենացածր մակարդակն է 37 տարվա ընթացքում:
Մայիսին ՄԱԿ-ը զգուշացրել էր, որ վատ բերքի պատճառով մթերքի անբավարարության հետևանքով Հյուսիսային Կորեայում շուրջ 10 մլն մարդ կարող է տուժել:
