18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ԱՄՆ-ն դադարեցնում է թուրք օդաչուների ընդունելությունը F-35-ների վերապատրաստման համար. Reuters
Քաղաքականություն
07.06.2019 | 19:02
ԱՄՆ որոշում է կայացրել այլևս նոր ընդունելություն չկազմակերպել թուրք այն օդաչուների համար, որոնք պետք է վերապատրաստվեին Արիզոնա նահանգում Թուրքիային մատակարարվելիք F-35 կործանիչների օգտագործման հմտությունները յուրացնելու համար։ Այդ մասին հայտնել է Reuters-ը՝ հղում անելով իր աղբյուրներին. գրում է ermenihaber-ը:
Հիշյակ որոշման հիմնական պատճառն այն է, որ Թուրքիան, ի հեճուկս ԱՄՆ-ի ճնշումների, չի ցանկանում հետքայլ անել և հրաժարվել ռուսական S-400 զենիթահրթիռային ՀՕՊ համակարգերից։ Նշվում է, որ որոշումը չի վերաբերում այն օդաչուներին, որոնք արդեն ԱՄՆ-ում վերապատրաստվում են F-35-ների համար։
Նշենք, որ ամերիկացի բազմաթիվ պաշտոնյաներ արդեն մի քանի անգամ Անկարային զգուշացրել են, որ եթե թուրքական կողմը չհրաժարվի S-400-ներից, ապա ոչ միայն չի ստանա F-35 կործանիչներ, այլև առհասարակ դուրս կգա այդ ծրագրից։
