15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԵՏՄ-ն ԽՍՀՄ-ը վերականգնելու՝ Ռուսաստանի քաղաքական ծրագիրը չէ. ԵՏՀ նախագահ
Քաղաքականություն
06.06.2019 | 20:29
Եվրասիական տնտեսական միությունը (ԵՏՄ) չի կարելի ԽՍՀՄ-ը վերականգնելու՝ Ռուսաստանի քաղաքական ծրագիրը համարել: Պետերբուրգի միջազգային տնտեսական համաժողովի բացման արարողության ժամանակ այս մասին հայտարարել է Եվրասիական տնտեսական հանձնաժողովի (ԵՏՀ) նախագահ Տիգրան Սարգսյանը:
«Մի քանի տարի առաջ այդպիսի կնիք ստեղծվեց, որ ԵՏՄ-ն Խորհրդային միությունը վերականգնելու՝ Կրեմլի քաղաքական ծրագիրն է: Մենք մշտապես բախվում էինք այդ կնիքին, երբ տնտեսական ինտեգրման հարցերն էինք քննարկում քաղաքական գործիչների հետ, որոնք ոչինչ չգիտեին մեր միավորման էության մասին»,- ասել է Տիգրան Սարգսյանը:
Նա նշել է, որ ԵՏՄ-ում գործում է հավասար ներկայացվածության սկզբունքը:
«Այսինքն՝ Հայաստանն ու Ղրղզստանը նույնքան ձայն ունեն, որքան Ռուսաստանը, Ղազախստանն ու Բելառուսը: Եթե ինչ-որ բան դուր չի գալիս Հայաստանին կամ Ղրղզստանին, նրանք կարող են օգտվել վետոյի իրավունքից: Մեր երկրները երբեք նման գործիք չեն ունեցել: Ես կարծում եմ, որ մեր աշխատանքի առաջին հինգ տարիներն ապացուցել են մեր նախագծի հասցեին քննադատության չկայացվածությունը, որ այն քաղաքական ծրագիր է»,- ասել է նա:
Տիգրան Սարգսյանի խոսքով՝ ԵՀԿ-ն ավարտում է ազատ առևտրի գոտու շուրջ բանակցությունները Սերբիայի հետ:
«Ինտենսիվ բանակցություններ են ընթանում Սինգապուրի և Իսրայելի հետ, մեր առաջնահերթությունների թվում են նաև Հնդկաստանն ու Եգիպտոսը»,- հավելել է նա:
