06.08.2026 | 16:14
Արամ Վարդևանյանը ներողություն խնդրեց Էդգար Ղազարյանի խոսքերի համար. ՏԵՍԱՆՅՈՒԹ
Դանիայի խորհրդարանական ընտրություններում հաղթել է ընդդիմությունը. երկրի վարչապետն ընդունել է պարտությունը
Քաղաքականություն
06.06.2019 | 11:31
Դանիայի ընդդիմությունն ընտրությունների արդյունքում ստացել է խորհրդարանի տեղերի մեծամասնությունը և իրավունք՝ իշխող կոալիցիա ձևավորել: Այս մասին են վկայում քվեաթերթիկների 100%-ի հաշվարկի արդյունքները: Ընտրություններին մասնակցությունը կազմել է 84.5%, գրում է ՏԱՍՍ-ը:
Ձախ կուսակցությունները ստացել են ընտրողների 52.1%-ի աջակցությունը, աջակենտրոնները՝ 41.0%-ի: Այսպիսով, ընդդիմությունը խորհրդարանում 91 մանդատ կունենա, որը 179 պատգամավոր ունեցող խորհրդարանում պարզ մեծամասնություն է ապահովում:
Դանիայի վարչապետ Լարս Լյոկե Ռասմուսենն արդեն ընդունել է իր գլխավորած աջ-կենտրոնամետ ալյանսի պարտությունը:
Երկրի նոր կառավարությունը կարող է գլխավորել Սոցիալ-դեմոկրատական կուսակցության առաջնորդ Մետտե Ֆրեդերիկսենը: Փորձագետները, սակայն, կարծում են, որ կաբինետի ձևավորման գործընթացը բարդ է լինելու, քանի որ ընդդիմադիր կուսակցությունները տարբեր տեսակետներ ունեն միգրացիոն քաղաքականության հարցում:
