16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պրահայում բողոքի ցույցեր են. պահանջում են վարչապետի հրաժարականը
Քաղաքականություն
05.06.2019 | 14:05
Չեխիայի մայրաքաղաք Պրահայում բողոքի ցույցեր են՝ վարչապետ Անդրեյ Բաբիսի հրաժարականի պահանջով։ Նրան մեղադրում են Եվրամիության կողմից ապօրինի գումարներ ստանալու համար, գրում է Deutsche Welle-ն:
Ցույցի մասնակիցների թիվը 12 հազարի է հասնում։ Ակցիայի ընթացքում կարգուկանոնի պահպանմանը տասնյակ իրավապահներ են հետևում:
«Ամո՛թ, ամո՛թ», «Մենք հոգնել ենք» վանկարկումներով ցուցարարները պահանջում են նաև արդարադատության նախարար Մարիե Բենեշովայի հրաժարականը՝ ապահովելու համար դատական համակարգի արդարությունը։ Նրանց կարծիքով՝ նախարարը, հնարավոր է, փորձի միջամտել վարչապետի դատական գործին։
Պահանջների չիրականացման դեպքում ցուցարարները պատրաստվում են հունիսի 23-ին ևս մեկ ակցիա իրականացնել։
1989 թվականի թավշյա հեղափոխությունից ի վեր սա Չեխիայում կազմակերպված ամենալայնամասշտաբ ցույցն է:
Արդարադատության նախարարի հրաժարականի պահանջով բողոքի ցույցերը կազմակերպվում են դեռ ապրիլի վերջից։ Ապրիլի 29-ին կազմակերպված ակցիայի արդյունքում հրաժարական էր տվել արդարադատության նախկին նախարար Յանա Կնեժինեկան։ Ավելի ուշ այդ պաշտոնում նշանակվել է իրավական հարցերով նախագահի խորհրդական Մարիե Բենեշովան:
Նելլի Մելքոնյան
