30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ավստրալիայում հրաձգության հետևանքով զոհեր կան
Քաղաքականություն
04.06.2019 | 17:51
Ավստրալիայի հյուսիսային Դարվին քաղաքում հրաձգության հետևանքով 4 մարդ զոհվել է, մի քանի վիրավոր կա: Այս մասին գրում է ՌԻԱ Նովոստին՝ վկայակոչելով տեղի ոստիկանության տվյալները:
«Ոստիկանությունը կարող է հաստատել, որ այս պահին 4 զոհ կա, բազմաթիվ վիրավորներ և հանցագործության մի քանի վայր»,- ասված է ոստիկանության հաղորդագրությունում:
Տեղական լրատվամիջոցների հաղորդմամբ՝ միջադեպը տեղի է ունեցել տեղական ժամանակով 18:00-ի սահմաններում: Կրակ արձակելուց հետո ենթադրյալ հրաձիգը տեղափոխվել է քաղաքի Ստյուարտ Պարկ արվարձան, այստեղ նույնպես կրակ բացել, հետո անցել Վուլներ արվարձան:
Ներկայում հրաձգություն կազմակերպելու մեջ կասկածվողը հսկողության ներքո է, իրավապահների գործողությունը շարունակվում է:
«Ոստիկանությունը չի կարծում, որ միջադեպը կապ ունի ահաբեկչության հետ»,- նշել են ոստիկանությունում:
