15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԱՄՆ-ի հետ կայացած գագաթնաժողովի ձախողման պատճառով Հյուսիսային Կորեայի իշխանությունները մահապատժի են ենթարկել 5 բարձրաստիճան դիվանագետի
Քաղաքականություն
02.06.2019 | 12:14
Հարավային Կորեայի հրապարակումներից հայտնի դարձավ, որ Հյուսիսային Կորեայի իշխանությունները Հանոյում գագաթնաժողովի ձախողումից հետո հինգ բարձրաստիճան դիվանագետների մահապատժի են ենթարկել՝ մեղադրելով նրանց ԱՄՆ-ի համար լրտեսության համար. գրում է amerikayidzayn.com-ը:
Հյուսիսային Կորեայում մարտ ամսին Հյուսիսային Կորեայի հատուկ դեսպանորդ Կիմ Հյուք Չխոլը եւ երկրի արտաքին գործերի նախարարության եւս չորս բարձրաստիճան պաշտոնյաներ մահապատժի են ենթարկվել ԱՄՆ-ի հետ կայացած գագաթնաժողովի ձախողման պատճառով: Այս մասին հաղորդում է Հարավային Կորեայի Chosun Ilbo թերթը:
Թերթը գրում է, որ բոլորը մեղադրվում են Միացյալ Նահանգների համար լրտեսության համր եւ մահապատժի են ենթարկվել Փհենյանի Միրիմ ռազմական օդանավակայանում: Մեկ այլ բարձրաստիճան պաշտոնյա Քիմ Յոն Չխոլը, որը Քիմ Չեն Ընի առաջին տեղակալն էր դատապարտվել է տաժանակիր աշխատանքի եւ գաղափարական վերապատրաստման:
ԱՄՆ նախագահ Դոնալդ Թրամփի երկրորդ հանդիպումը ԿԺԴՀ առաջնորդ Քիմ Չեն Ընի հետ տեղի ունեցավ 2019 թ. փետրվարի 27-ին եւ 28-ին: Կողմերն ավարտեցին գագաթնաժողովը նախատեսվածից ավելի շուտ առանց որեւէ համաձայնության, իսկ համատեղ ճաշկերույթը չեղարկվեց:
Հանդիպման ընթացքում տարաձայնությունների պատճառ է դարձել ԿԺԴՀ-ի նկատմամբ պատժամիջոցները: Գագաթնաժողովից հետո Թրամփը նշել է, որ Հյուսիսային Կորեան պահանջում էր պատժամիջոցների ամբողջական վերացում իր միջուկային ծրագրի դիմաց:
