01.11.2024 | 23:19
Հրդեհ Գյումրու տներից մեկում
Հադրութում ՊԲ զինծառայողների համար բազմաբնակարան երկու շենք է կառուցվում
Հասարակություն
10.05.2017 | 14:19
Հադրութում բազմաբնակարան երկու շենք է կառուցվում ՊԲ զինծառայողների ընտանիքների համար: Արցախի քաղաքաշինության նախարարությունից հայտնում են, որ շենքերի շինարարությունը սկսվել է 2016 թվականին: Առաջին շենքը` 20 բնակարանով, շահագործման կհանձնվի մինչև ընթացիկ տարվա ավարտը:
Այստեղ արդեն ավարտվել են տանիքի ծածկի կառուցման, դռների և լուսամուտների տեղադրման, էլեկտրական գծերի, ներքին ու արտաքին ջրագծերի մոնտաժման աշխատանքները, իրականացվում է ներքին հարդարում:
Մյուս շենքը, որն, ըստ նախագծի 16 բնակարանոց է, նախատեսվում է հանձնել 2018-ին:
Շենքերն արևկող են, ունեն մեկ նկուղային և 4 վերգետնյա հարկեր: Հարմարավետ կենցաղավարության համար կստեղծվեն բոլոր պայմանները: Շինարարությունն ավարտելուց հետո կբարեկարգվի շենքերին հարող տարածքը:
Ծրագրով նախատեսված է կառուցել մանկական խաղահրապարակ, ավտոկայանատեղի, կանաչ գոտի` զբոսահարթակով:
ՊԲ սպայակազմի համար կառուցվող բազմաբնակարան շենքերի շինարարությունն իրականացվում է ՊԲ միջոցներով. Կապալառու կազմակերպությունը` «Եվրոստրոյ» ՍՊԸ-ն է:
Այս ծրագրով, ՊԲ սպայակազմի համար բազմաբնակարան շենքեր են կառուցվել Արցախի մայրաքաղաքում և բոլոր շրջկենտրոններում:
