«Թող Չակ Նորիսն էլ գնա «Իմ քայլի» համար ՍԴ-ում որոշումներ կայացնի»․ ԱԺ-ն ՍԴ դատավորի թեկնածուի քվեարկության մասին. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

«Ես հակասություն եմ տեսնում հանրապետության նախագահի և վարչապետի թիմի միջև»,- Սահմանադրական դատարանի դատավորի թեկնածուի երեկվա ընտրության տապալումից հետո հայտարարում է ընդդիմադիր պատգամավոր Գևորգ Պետրոսյանը․ «Չեմ կարծում, թե հանրապետության նախագահի համար կարևոր չէ էդ կարգավիճակը, և նա ամեն մի պատահական հայտատուի կարող է վերցնել և առաջադրել»։

Ըստ պարոն Պետրոսյանի, «Իմ քայլը» դաշինքը հենց սկզբից էլ մտադիր չէր Արթուր Վաղարշյանին ընտրել Սահմանադրական դատարանի դատավոր:

«Ես առայժմ իրենց կողմից չեմ լսել կոնկրետ հենց Վաղարշյանի հետ կապված մի կարծիք, պաշտոնական հրապարակում, որտեղ, ասենք, այդ թեկնածուի այս կամ այն հատկանիշը այնքան կասկածելի, մեղադրելի լիներ կամ վիճարկելի լիներ, որ նպատակահարմար չլիներ նրա հայտնվելը ՍԴ-ում»,- տարակուսում է ԱԺ ԲՀԿ խմբակցության անդամ Գևորգ Պետրոսյանը։

Ազգային ժողովի փոխնախագահ Ալեն Սիմոնյանն առաջին անգամ է լսում, որ իրենք հանրապետության նախագահի հետ խնդիր ունեն և հենց այդ պատճառով են մերժում նրա թեկնածուներին։

«ՀՀ նախագահը կոնկրետ իմ համար իմ իմացած ամենալավ, պարկեշտ, ամենաբանիմաց մարդկանցից մեկն ա»,- վստահեցնում է ԱԺ փոխնախագահ Ալեն Սիմոնյանը։

«Իմ քայլը», ըստ պարոն Սիմոնյանի, խնդիր չունի նաև ՍԴ դատավորի թեկնածուների հետ և մեկին մյուսից չի գերադասում ըստ քաղաքական համակրանքների․ «Եթե ձեր հարցազրույցի իմաստը՝ տեսնել արդյոք կա՞ որևէ հակամարտություն, նման բան գոյություն չունի և վստահ եմ, որ եթե մյուս թեկնածուն կամ հաջորդ թեկնածուն բավարարի, անպայման կընտրվի»։

Մինչդեռ ընդդիմադիր պատգամավոր Էդմոն Մարուքյանը հենց թեկնածուների հետ կապված խնդիր է տեսնում։

«Որքան ես հասկանում եմ «Իմ քայլի» պատգամավորները թեկնածուի մեջ փնտրում են իրենց համախոհին, իրենցից մեկին, նրանք ուզում են, որ իրենցից մեկը լինի ՍԴ անդամ և լինի իրենց պես, իրենց բառամթերքն օգտագործի, այսինքն, նույն ձևով գնահատականներ տա իրենց ժամանակ տեղի ունեցող իրադարձություններին»,- կասկածներ ունի ԱԺ ԼՀԿ խմբակցության ղեկավար Էդմոն Մարուքյանը։

Ըստ պարոն Մարուքյանի, ինքը կոնկրետ օրինակ ունի համոզվելու, որ «Իմ քայլը» խմբակցությունն արդեն ունի թեկնածուի մի պատկերացում, որին ուզում է տեսնել Սահմանադրական դատարանի դատավորի աթոռին։

«Օրինակ, տեսեք, եթե «Իմ քայլի» պատգամավորները կարծում են, որ դատարանների ելքերն ու մուտքերը փակելը շատ ճիշտ բան է և դատավորին հարց են տալիս, պարզ է, չէ՞, որ ուզում են ստուգեն դատավորի թեկնածուին։ Ասում են՝ այ օրինակ, Դուք ի՞նչ կարծիքի եք՝ դա ճիշտ բա՞ն էր, թե՝ ոչ, ակնհայտ գիտեն, որ նա ունենալով իրավաբանի դիպլոմ, սահմանադրական իրավունքի մասնագետ է, պետք է ասի, որ դա սխալ բան է։ Հենց ասում է՝ սխալ բան է, ասում են՝ ա՜, պարզ է ու կտրվեցիր դու»,- նկատում է պարոն Մարուքյանը։

Պատգամավորի համոզմամբ, իշխանական խմբակցությունը չափազանց անլուրջ է վերաբերվում Սահմանադրական դատարանի դատավորի ընտրություններին, այնքան անլուրջ, որ կարող է քվեարկել ամերիկյան մարտական ֆիլմերի դերասան Չակ Նորիսի օգտին․ «Չակ Նորիսին են մարդիկ ընտրել, հիմա թող Չակ Նորիսն էլ իրանց համար գնա ՍԴ-ում որոշումներ կայացնի»։

Պատգամավորը հույս ունի, որ իշխանական խմբակցությունը գոնե երկու տարի հետո կլրջանա և խորհրդարանը կկարողանա ընտրել Սահմանադրական դատարանի դատավոր։

Մհեր Արշակյան