24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Թուրքիան ծրագրում է նոր ռազմական գործողություն սկսել Սիրիայում
Քաղաքականություն
06.09.2017 | 15:17
Ռուսաստանի «Ռազմավարական մշակույթի հիմնադրամը» զեկույց է հրապարակել՝ նշելով, որ Թուրքիան պատրաստվում է նոր ռազմական գործողություն իրականացնել Սիրիայում: Հնարավոր ռազմական գործողությունը կապված է լինելու սիրիական Իդլիբ քաղաքում ստեղծված իրավիճակի հետ. փոխանցում է ermenihaber-ը:
Ըստ թուրքական «Haberler» լրատվամիջոցի՝ նշյալ օպերացիային մասնակցելու են նաև Ռուսաստանը և Իրանը, որոնք աջակցելու են Թուրքիային: Սպասվում է, որ Թուրքիան Իդլիբ կմտնի հյուսիսից, իսկ ռուսական ու իրանական զորքերը՝ հարավային հատվածից:
Նախատեսվում է, որ օպերացիան սկսվի սեպտեմբերի 13-15 ժամանակահատվածում:
Ռազմագործողությանը կմասնակցի Թուրքիայի կողմից աջակցություն վայելող «Սիրիայի ազատ բանակ» խմբավորումը: Գործողությունը կիրականացվի «Ալ Քաիդա» ահաբեկչական կազմակերպության ճյուղավորումներից մեկի՝ «Հայաթ Թահրիր աշ–Շամ»-ի դեմ, որը մի քանի շաբաթ առաջ գրոհել էր Իդլիբը և քաղաքի մեծ մասի վրա վերահսկողություն սահմանել:
Իդլիբը գտնվում է թուրք-սիրիական սահմանի վրա:
Զեկույցի համաձայն՝ Թուրքիայի օդուժը օպերացիայի ժամանակ ռմբակոծելու է Իդլիբը: Այնուհետև, երբ թուրքական ուժերը ներխուժեն քաղաք, վերջինս կհայտարարվի որպես անվտանգության գոտի:
