Ասում են՝ սպիտակ մազերով մարդուն ուզում են դարձնել ԵՊՀ-ի ռեկտորի ԺՊ, որից հետո Հովհ․ Հովհաննիսյանն է ուզում դառնալ ռեկտոր․ Մարուքյան․ ՏԵՍԱՆՅՈՒԹ

Ես ինձ համար խելոք աշխատում էի իմ աշխատասենյակում, մեկ էլ տեսնեմ՝ մեր գործընկերներից մեկը Հանրային ծառայությունները կարգավորող հանձնաժողովի  անդամների թեկնածուների քննարկման ժամանակ իմ մասին ելույթ է ունենում։

Այսպես սկսեց Ազգային ժողովի  պատգամավոր էդմոն Մարուքյանն իր ելույթը՝ անդրադառնալով  «Իմ քայլը» խմբակցության պատգամավոր Հովհաննես Հովհաննիսյանի ելույթին։

«Ես ընդամենը իմ ֆեյսբուքյան էջում տեսանյութ եմ կիսել, որտեղ երևում է, որ Փաշինյանը փորձում է մուտք գործել ԵՊՀ և մի մարդ՝ սպիտակ մազերով,  նրան թույլ չի տալիս դա անել և ընդամենը գրել եմ, որ իշխանությունները այս մարդուն ուզում են դարձնել ԵՊՀ ռեկտորի ԺՊ։ Հարց է առաջանում՝ սրա ի՞նչն է ստահոդ։ Կամ ասում են ստահոդ լուրեր ենք տարածել նաև Ագրարային համալսարանի վերաբերյալ։ Հիմա էլ կրկնում եմ, որ այդ համալսարանի հոգաբարձուների խորհրդի կազմում են ընդգրկվել մարդիկ «Իմ քայլը» դաշինքից և հորդորել եմ ձեռնպահ մնալ նախորդների բարքերից»,- ասաց Մարուքյանը։

Ըստ պատգամավորի՝ ասում են, որ Հովհաննես Հովհաննիսյանը կարող է դառնալ ԵՊՀ ռեկտոր, տեսանյութում երևացող սպիտակ մազերով մարդու ժամանակավոր պաշտոնակատար ընտրվելուց հետո։

«Ես ձեզ տեղեկացնում եմ, եթե իշխանական պատգամավորը ցանկանա դառնա մայր բուհի ռեկտոր, դա կլինի բոլորիս կողմից հռչակած սկզբունքի կոպիտ խախտում, երբ ասել ենք, որ կրթական համակարգը չենք քաղաքականացնում, բայց դա անում ենք»,- ասաց  Մարուքյանը։

Մանրամասները՝ տեսանյութում։