«Քոչարյանա-Սարգսյանական համակարգը փորձում է վերցնել Արցախը և Արցախի միջոցով խնդիրներ ստեղծել Փաշինյանի համար». Պետրոս Մակեյան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

«Սասնա Ծռեր» կուսակցությունն ավարտեց «Միասնություն» խորագրով ավտոերթը Արցախում։ Նրանց միացել էր նաև «Ժողովրդավարական հայրենիք» կուսակցության նախագահ Պետրոս Մակեյանը: Factor.am-ի հետ զրույցում նա ասաց, որ Արցախում խիստ կա հեղափոխության պահանջը:

«Արցախում պահանջում են իշխանափոխություն, այն, ինչ Հայաստանում է եղել, և նոր կարգերի հաստատում, քանի որ այնտեղ հիմա հին Հայաստանի հայելային պատկերն է»,- ասաց Մակեյանը: Նա նաև հավելեց. «Արցախում ժողովուրդն ավելի վատ վիճակում է, քան Հայաստանում, որովհետև մաքսատան թալանի պատճառով ապրանքներն այնտեղ ավելի թանկ են, քան Հայաստանում, գումարած ռոմինգը»:

Արցախի ԱԱԾ նախկին տնօրեն Արշավիր Ղարամյանը, մինչդեռ, Facebook-ի իր էջում գրել է, որ Արցախը մերժեց հերթական կեղծ օրակարգը, և որ «Սասնա Ծռերի» ավտոերթը կարելի է համարել տապալված, քանի որ արժանացել է Արցախի հայության անտարբերությանը:

«Չորս օրերի ընթացքում ավտոերթի կազմակերպիչներն ուժ և եռանդ չեն խնայել՝ տարատեսակ պրովոկացիաներ իրագործելու միջոցով ուշադրություն գրավելու և «Արցախը Հայաստանի մարզ է» կեղծ օրակարգով արհեստականորեն պառակտում առաջացնելու համար: Սակայն մնում է փաստ՝ գլոբալ առումով տեղաբնակները չեն միացել ավտոերթին և չեն ողջունել այն»,- գրել է Ղարամյանը:

«Նախ՝ 140-150 մեքենաներից 40-50-ը տեղաբնակներ էին Մարտակերտից, Հադրութից, և իրենք ակտիվ մասնակցում էին: Ոչ միայն «Սասնա Ծռերն» էին մասնակցում ավտոերթին, այլև 10-ից ավելի Արցախի ՀԿ-ներ միացան»,- ի պատասխան հայտարարեց Մակեյանը՝ սադրանքների մասով հավելելով. «Ստում է, սադրիչը ինքն էր։ Ոչ մի արտառոց բան չի եղել»:

Մակեյանի խոսքով՝ ոստիկաններն ուղեկցել են ավտոերթը և բավական կոռեկտ են պահել, սակայն Արցախի իշխանությունը փորձել է խոչընդոտել հանրահավաքը:

«Ստեփանակերտի հանրահավաքից առաջ բոլոր ճանապարհները փակել են, քաղաքացիական հագուստով մարդիկ կանգնեցրել են, որ ժողովուրդը հնարավորինս քիչ մոտենա: Շառլ Ազնավուրի հրապարակում էր հանրահավաքը, և երկու կողմից փողոցը փակել էին: Դա արձանագրել են շատերը: Մարդկանց սպառնացել են, որ մասնակցելու դեպքում աշխատանքից կազատեն»,- ասաց Մակեյանը:

Պետրոս Մակեյանը նույնպես դավադրությունների վտանգ տեսնում է, քանի որ, ըստ նրա, Արցախում նույն հին համակարգն է, և այտեղ շատ ակտիվ են գործում Հայաստանի հին իշխանությունները:

«Քոչարյանա-սարգսյանական համակարգը փորձում է վերցնել Արցախը և Արցախի միջոցով խնդիրներ ստեղծել Նիկոլ Փաշինյանի համար»,- հայտարարեց Մակեյանը՝ շարունակելով. «Արցախը դարձել էր նախկին համակարգի լվացքատուն, փողերը լվանալու տեղ, և հիմա վախենում են անցումային արդարադատությունից: Նրանք այնտեղ մինի օլիգարխներ են: Առողջ ու հեղափոխությանն աջակցող ուժերը պետք է համախմբվեն, որ հակազդեն, հակառակ դեպքում՝ բարդ է»:

Հարցին՝ ինչպե՞ս է գնահատում Մարտի 1-ի գործի քննությունը, Մակեյանը պատասխանեց. «Ռոբերտ Քոչարյանը պետք է ազատության մեջ չլիներ, այլ նրա կողքի խցում պետք է լինեին Սերժ Սարգսյանը և Աղվան Հովսեփյանը: Այն, որ Աղվան Հովսեփյանը նոր իշխանության հետ մասնակցում էր միջոցառման, ազդակ էր, որ համաներում են նախկին հանցագործ խմբի ներկայացուցիչներին: Եթե Սերժ Սարգսյանին ու Աղվան Հովսեփյանին ներգրավեին Մարտի 1-ի գործում, Ռոբերտ Քոչարյանին ոչ մի դատավոր չէր համարձակվի բաց թողնել»:

Պետրոս Մակեյանի խոսքով՝ Հայաստանում կոռուպցիոն համակարգը մեծամասամբ մնացել է և երազում է նախկին իշխանության վերադարձը: Իսկ Ռոբերտ Քոչարյանը, նրա կարծիքով, վտանգ է Հայաստանում ցնցումներ իրականացնելու առումով, սակայն նա չի կարող իշխանափոխություն անել, քանի որ հանրությունն իրեն չի ընդունում:

Հարցազրույցն ամբողջությամբ՝ տեսանյութում:

Մարինե Խառատյան