07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Եթե Ոստիկանությունը բռնություն է գործադրել, չի նշանակում՝ տարիներ անց պիտի վեթինգի ենթարկել. Վալերի Օսիպյան. ՏԵՍԱՆՅՈՒԹ
Հասարակություն
28.05.2019 | 10:04
Ոստիկանապետ Վալերի Օսիպյանը դատարաններն արգելափակելու ակցիան շտապ հավաք է համարում: Այս մասին Օսիպյանն ասաց Սարդարապատում լրագրողների հետ զրույցում՝ արձագանքելով դիտարկմանը, թե իր գնահատականը, որ այդ ակցիան ինքնաբուխ էր, քննադատությունների առիթ է դարձել:
«Շտապ հավաք էր: Ստեղծված իրադարձության շուրջ անհրաժեշտ էր շտապ հավաք»,- ասաց ոստիկանապետը:
Լրագրողների դիտարկմանը, որ ակցիան անցկացվեց վարչապետի հորդորով, Վալերի Օսիպյանը պատասխանեց. «Ինչ կապ ունի՝ ում կողմից էր: Հավաքների ազատության մասին օրենքում նշված չի՝ վարչապետը կամ դուք իրավունք ունեք կամ չունեք: Շտապ հավաքը մնում է շտապ հավաք»:
Անդրադառնալով ոստիկանության կողմից կիրառված բռնությունների և ոստիկանների նկատմամբ վեթինգի կիրառման մասին հարցին՝ Վալերի Օսիպյանը պատասխանեց. «Եթե պահի տակ բռնություն է գործադրել, այնպես չի, որ պետք է ամիսներ, տարիներ անցնեն և վեթինգի ենթարկվեն»:
Մանրամասները՝ տեսանյութում:
