30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պենտագոնը ներկայացրել է Մերձավոր Արևելքում նոր ուժեր տեղակայելու իր ծրագիրը. VOA
Քաղաքականություն
25.05.2019 | 19:18
Պենտագոնի պաշտոնատար անձինք հինգշաբթի օրը հայտարարեցին դեպի Մերձավոր Արեւելք հավելյալ ուժեր ուղարկելու ծրագրի մասին: «Անհրաժեշտության դեպքում ես վստահաբար դա կանեմ», հայտարարել է նախագահ Թրամփը եւ ավելացրել, որ Իրանն աստիճանաբար ավելի վտանգավոր է դառնում. գրում է VOAն:
Սակայն նա չունի հենց այս պահին դա անելու մտադրություն: Արաբական ծովում վերջին մի քանի օրերի ընթացքում արդեն իսկ տեղակայվել են մեծ ուժեր, այդ թվում ավիակիր` իր կործանիչներով:
Ինչպես ԱՄՆ-ի պաշտպանության նախարարի պաշտոնակատար Փաթրիկ Շանահանն է ասում, ԱՄՆ-ը հիմա իր հիմնական ուշադրությունը սեւեռում է «Իրանի կողմից սխալ հաշվարկ կատարելու հնարավորությունը բացառելու» վրա:
Վաշինգտոնի պես, Թեհրանը նույնպես հայտարարում է, թե չի ցանկանում մտնել պատերազմի մեջ: Սակայն վերլուծաբանների խոսքերով, առճակատվելու վտանգը փոքր չէ:
Նրանցից Դալիա Քեյի խոսքերով, երկու կողմերը որդեգրել են հետեւյալ դիրքը` «եթե հարձակվեք, կտանք պատասխան»:
2018 թվականին ԱՄՆ-ը Իրանի հետ կնքված միջուկային միջազգային պայմանագրից դուրս բերելուց ի վեր նախագահ Թրամփը փորձում է առավելագույն պատժամիջոցներով ճնշել Իրանին, ինչպես Վաշինգտոնն է հայտարարում` որպեսզի Իրանը չկարողանա արտադրել միջուկային զենքեր եւ դադարեցնի իր ներգործության տարածումը Մերձավոր Արեւելքում:
Իրանին ԱՄՆ-ը ներկայացրել է 13 պահանջ: Սակայն Իրանը դժվար թե կատարի դրանք, երբ նախագահ Հասան Ռուհանին չունի բանակցություններ սկսելու մտադրություն, եւ հայտարարում է, թե իր երկիրը երբեք չի խոնարհվում:
Ի դեպ, Թրամփի ազգային անվտանգության հարցերով խորհրդական Ջոն Բոլոթոնը Իրանի դեմ ռազմական գործողություններ սկսելու կողմնակից է:
Իսկ եթե Ամերիկան որոշի, որ հարկավոր է նոր ուժեր ուղարկել դեպի Պարսից ծոց, Թրամփը կշեղվի իր այն ուղուց, որի վրա շարունակ հայտարարում էր, դեռեւս նախընտրական պայքարից սկսած, այս տարածաշրջանից ամերիկյան ուժերը դուրս բերելու անհրաժեշտության մասին:
