15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Թերեզա Մեյը հունիսին հրաժարական կտա
Քաղաքականություն
24.05.2019 | 13:25
Մեծ Բրիտանիայի վարչապետ Թերեզա Մեյը հրաժարականի մասին ելույթ է ունեցել: Daily Mail-ի փոխանցմամբ՝ Լոնդոնի 10 Downing փողոցում ելույթի ժամանակ Մեյը նաև հայտարարել է, որ հունիսի 7-ին կլքի Պահպանողական կուսակցության ղեկավարի պաշտոնը:
Սա նշանակում է, որ Մեյը ստիպված կլինի լքել նաև երկրի վարչապետի պաշտոնը:
«Ես Մեծ Բրիտանիայի երկրորդ կին վարչապետն էի, բայց հաստատ ոչ վերջինը: Փորձեցի հնարավորության սահմաններում ամեն ինչ անել բրիտանացիների համար»,- իր ելույթում ասել է նա:
Ելույթի ավարտին Թերեզա Մեյը հուզված հեռացել է:
Հիշեցնենք, որ նախօրեին The UK Times պարբերականը հայտնել էր, որ Մեծ Բրիտանիայի վարչապետ Թերեզա Մեյը, հնարավոր է, այսօր հրաժարական տա։ Կառավարության ղեկավարի այս որոշումը, ըստ պարբերականի, պայմանավորված է Brexit-ի հարցի շուրջ առաջացած տարաձայնություններով։
Նելլի Մելքոնյան
