12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
Սաակաշվիլին Զելենսկուն խնդրել է վերականգնել Ուկրաինայի իր քաղաքացիությունը
Քաղաքականություն
23.05.2019 | 19:28
Վրաստանի նախկին նախագահ, Օդեսայի նախկին քաղաքապետ Միխեիլ Սաակաշվիլին Ուկրաինայի նորընտիր նախագահ Վլադիմիր Զելենսկուն խնդրել է վերականգնել Ուկրաինայի իր քաղաքացիությունը։ Այս մասին հայտնում է Eadaily պարբերականը՝ հղում անելով Սաակաշվիլու փաստաբան Ռուսլան Չերնոլուցկուն։
Վերջինս Վրաստանի նախկին նախագահի նամակն արդեն Զելենսկու աշխատակազմին է հանձնել։
«Բոլոր իրավաբանները պնդում են, որ ինձ Ուկրաինայի քաղաքացիությունից զրկելն անօրինական է, քանի որ ըստ Ուկրաինայի Սահմանադրության՝ չի կարելի Ուկրաինայի քաղաքացուն զրկել քաղաքացիությունից, իսկ ըստ միջազգային իրավունքի՝ չի կարելի մարդուն առանց քաղաքացիության թողնել»,- նշված է Սաակաշվիլու նամակում։
Վրաստանի նախկին նախագահը նշել է, որ ինքը պատրաստ է դատարանում անձամբ պաշտպանել սեփական իրավունքները։ Այդուհանդերձ, դրա համար նրան անհրաժեշտ է երկրում հայտնվել։ Բացի այդ, Սաակաշվիլու կարծիքով, Ուկրաինայի նախկին նախագահ Պյոտր Պորոշենկոն մի քաի ամսից փորձելու է Զելենսկուց վրեժխնդիր լինել և այդ առիթով ամենուր իր մարդկանց է տեղակայել։
Հիշեցնենք, որ Սաակաշվիլին Ուկրաինայի քաղաքացիությունից 2017 թվականին էր զրկվել՝ նախկին նախագահ Պյոտր Պորոշենկոյի հրամանով։ Դրանից հետո Սաակաշվիլին հատել էր երկրի սահմանը և Լեհաստան արտաքսվել։
Նելլի Մելքոնյան
