02.07.2026 | 10:00
Արտարժույթների փոխարժեքները՝ հուլիսի 2-ի դրությամբ
Ինչու արտահերթ նիստը չի կայանա. «Իմ քայլի» պատգամավորի պարզաբանումը. ՏԵՍԱՆՅՈՒԹ
Քաղաքականություն
21.05.2019 | 14:43
«Իմ քայլը» խմբակցության պատգամավոր Աննա Կարապետյանն այսօր խորհրդարնում լրագրողների հետ զրույցում անդրադարձավ «Լուսավոր Հայաստան» խմբակցության արտահերթ նիստ անցկացնելու նախաձեռնությանը։
«Այս պահին օրակարգում չկա արտահերթ նիստ, որովհետև արտահերթ նիստի հայտարարության, որոշման կամ ուղերձի նախագիծ չկա: Ընդամենն առաջարկ է եղել այսինչ օրը հրավիրել արատահերթ նիստ: Բայց կանոնակարգ-օրենքի պահանջներն այնպիսին են, որ կից փաթեթը պետք է ամբողջական լինի: Փաստաթղթերը վերադարձվել են, որպեսզի փաթեթն ամբողջությամբ ներկայացվի ԱԺ նախագահին», – պարզաբանեց իշխանական պատգամավորը։
Հիշեցնենք՝ ԱԺ «Լուսավոր Հայաստան» խմբակցությունը նախաձեռնել էր ԱԺ արտահերթ նիստ՝ քննարկելու վարչապետ Նիկոլ Փաշինյանի՝ դատարանների ելքերն ու մուտքերը փակելու կոչը։
Արտահերթ նիստ անցկացնելու նախաձեռնությանը միացել է նաև ընդդիմադիր «Բարգավաճ Հայաստան» խմբակցության 18 պատգամավոր։ Ավելի ուշ, «Լուսավոր Հայաստան» խմբակցության ղեկավար Էդմոն Մարուքյանը հայտարարել էր՝ «Իմ քայլը» խմբակցության հետ կա նախնական համաձայնություն՝ մայիսի 22-ին՝ ժամը 11։00-ին արտահերթ նիստ անցկացնելու։
Մանրամասները՝ տեսանյութում։
Շողիկ Գալստյան
