06.08.2026 | 19:04
Երբ ելույթ եք ունենում, թվում է՝ հեսա լույսերն անջատելու են, պրոժեկտորը միացնեն ու ձեզ Օսկար հանձնեն. ՏԵՍԱՆՅՈՒԹ
Շվեդիայի դատախազությունը Ջուլիան Ասանժի հեռակա ձերբակալման պահանջ է ներկայացրել
Քաղաքականություն
20.05.2019 | 18:42
Շվեդիայի գլխավոր դատախազի տեղակալ Եվա Մարի Պերսոնը հարցում է ուղարկել Ուպսալայի դատարան, որում խնդրել է 2010 թվականին հարուցված և նախորդ շաբաթ վերաբացված բռնաբարության գործի շրջանակում հեռակա կարգով ձերբակալել WikiLeaks-ի հիմնադիր Ջուլիան Ասանժին: Այս մասին գրում է Կոմերսանտը:
«Եթե դատարանը որոշի ձերբակալել Ասանժին, ես ձեռնամուխ կլինեմ նրա կալանքի վերաբերյալ եվրոպական որոշում տալու ընթացակարգին, որը խնդրանք է բովանդակում նաև նրան Շվեդիային արտահանձնելու մասին»,- նշել է Պերսոնը:
Հիշեցնենք, որ նախորդ շաբաթ շվեդ դատախազները հայտարարել էին, որ պատրաստվում են վերսկսել Ջուլիան Ասանժի դեմ բռնաբարության մեղադրանքների վերաբերյալ հետաքննությունը՝ հնարավորինս շեղելով ռազմական համակարգիչները կոտրելու և գաղտնիքները տարածելու համար նրան արտահանձնելու՝ ԱՄՆ-ի փորձերը։
WikiLeaks-ի հիմնադիր Ջուլիան Ասանժի դեմ բռնաբարության մասին հաղորդում են տվել երկու կանայք: Երկուսն էլ WikiLeaks-ի աջակիցներն են եղել և 2010 թվականին շրջագայության ժամանակ Ասանժին թույլ են տվել իրենց տանը մնալ:
Նելլի Մելքոնյան
