02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
13:30-ից վերացնել բոլոր դատարանների արգելափակումը, Հայաստանում անկախ դատական համակարգ ունենալու գործընթացը սկսված է և այլևս անշրջելի. Նիկոլ Փաշինյան
Քաղաքականություն
20.05.2019 | 13:17
Վարչապետ Նիկոլ Փաշինյանը ֆեյսբուքյան ուղիղ եթերով տեղեկացրեց, որ Կառավարությունում իր ելույթից հետո դռնփակ ռեժիմով քննարկումներ են ունեցել:
«Այդ քննարկումներն այն մասին էին, թե մենք ինչ ճանապարհային քարտեզով ենք գնալու առաջ, ինչ գործողություններ ենք ձեռնարկելու»,- նշեց նա:
Նիկոլ Փաշինյանն ասաց՝ կցանկանար քննարկումներից մանրամասներ ներկայացնել, բայց չի անի, և բացատրեց՝ ինչու. «Հիմա չեմ ուզում շատ կոնկրետացնել, որպեսզի եթե քննարկումների արդյունքում լուծումները մի քիչ այս կողմ-այն կողմ լինեն, դա չմեկնաբանվի, որ՝ այ, ես հենց այդ լուծումն էի հայտարարել, բայց հիմա մի քիչ այլ լուծում է լինում»:
Վարչապետը նաև շնորհակալություն հայտնեց բոլոր այն քաղաքացիներին, ովքեր արձագանքել են իր կոչին և այսօր առավոտից արգելափակել են ՀՀ դատարանների ելքերն ու մուտքերը:
«Ես ուզում եմ հստակ ասել, որ այդ ակցիայի նպատակն արձանագրելն էր Հայաստանում իրապես անկախ դատական համակարգ ունենալու՝ ժողովրդական պահանջը, և արձանագրելն էր, որ այդ պահանջի մեջ ժողովուրդը և Կառավարությունը միասնական են, չունեն հակասություն»,- հավելեց նա:
Փաշինյանն ասաց, որ ակցիան ծառայել է իր նպատակին, և կոչ արեց ժամը 13:30-ից վերացնել բոլոր դատարանների արգելափակումը:
Մանրամասները՝ տեսանյութում:
