16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Վլադիմիր Զելենսկին երդվեց ու ստանձնեց Ուկրաինայի նախագահի պաշտոնը
Քաղաքականություն
20.05.2019 | 13:09
Կիևում տեղի է ունեցել Ուկրաինայի նորընտիր նախագահ Վլադիմիր Զելենսկու երդմնակալության արարողությունը: Զելենսկին երդվել է ուկրաինացի ժողովրդին, ինչից հետո Սահմանադրական դատարանի ղեկավարը հայտարարել է պետության ղեկավարի պաշտոնը ստանձնելու մասին, հաղորդում է ՌԻԱ Նովոստին:
Երդմնակալության արարողությունը տեղի է ունեցել Գերագույն Ռադայի հանդիսավոր նիստի ընթացքում: Զելենսկին երդվել է՝ ձեռքը Սահմանադրությանն ու Ավետարանին դրած:
ՍԴ ղեկավար Նատալյա Շապտալան պետության նոր ղեկավարին է հանձնել երկրի պաշտոնական խորհրդանիշերը:
Նշենք, որ Վլադիմիր Զելենսկին երդմնակալության արարողությանը Մարիինյան զբոսայգուց ոտքով է գնացել Գերագույն Ռադա: Զբոսայգում կողմնակիցները նրան դիմավորել են ծափողջույններով ու «Զելենսկի», «Հաղթանակը մերն է լինելու» վանկարկելով:
Ուկրաինայի նախագահի երդմնակալության արարողությանը ներկա են եղել օտարերկրյա պետությունների շուրջ 60 ներկայացուցիչներ, այդ թվում՝ պետությունների ու կառավարությունների, խորհրդարանների ղեկավարներ:
Հավելենք, որ ապրիլի 30-ին Ուկրաինայի ԿԸՀ-ն պաշտոնապես ճանաչեց նախագահական ընտրություններում Վլադիմիր Զելենսկու հաղթանակը: Ընտրությունների երկրորդ փուլում նա հավաքել էր 73.22% ձայն, Պյոտր Պորոշենկոն՝ 24.45%:
