24.06.2026 | 19:55
Նավթային գերտերություն՝ առանց բենզինի․ ինչ է կատարվում Ռուսաստանում. ՏԵՍԱՆՅՈւԹ
ԱՄՆ-ն չեղարկել է Թուրքիայի հետ առևտրի արտոնյալ ռեժիմը
Քաղաքականություն
17.05.2019 | 17:48
ԱՄՆ-ի նախագահ Դոնալդ Թրամփը Սպիտակ տանն ունեցած ելույթի ժամանակ հայտարարել է, որ ԱՄՆ-ն չեղարկում է Թուրքիայի հետ առևտրի արտոնյալ ռեժիմը. գրում է ermenihaber.-ը:
Թրամփը հայտարարել է, որ Թուրքիան դուրս է եկել ԱՄՆ-ի հետ առևտրի արտոնյալ ռեժիմն ապահովող «Արտոնությունների ընդհանրացված համակարգի» (GSP) երկրների ցանկից:
Ըստ ԱՄՆ նախագահի՝ Թուրքիայի տնտեսության զարգացման մակարդակը բավականին բարձրացել է, բացի այդ՝ Թուրքիան արդեն դուրս է եկել առևտրի արտոնյալ ռեժիմի համաձայնություններից, որոնք ունեցել է մի շարք այլ զարգացած երկրների հետ:
Թրամփն ընդգծել է, որ այդ որոշման մասին մարտի 4-ին տեղեկացրել է կոնգրեսին:
«Հիմնվելով Թուրքիայի տնտեսական զարգացման մակարդակի վրա, անհրաժեշտ է դադարեցնել Թուրքիայի կարգավիճակը որպես զարգացող ստացող երկիր»,- նշվում է հաղորդագրությունում:
Թուրքիայի հետ առևտրի արտոնյալ պայմանագիրը կդադարի գործել մայիսի 17-ից:
Հիշեցնենք, որ այժմ Թուրքիայից ԱՄՆ ներկրվող ապրանքները կհարկվեն սահմանված ընդհանուր հիմունքների համաձայն: Թուրքիան GPS երկրների էր միացել 1975թ.:
