02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Զելենսկուն զրկել են Ռադան ցրելու հնարավորությունից
Քաղաքականություն
17.05.2019 | 12:52
Ուկրաինայի «Ժողովրդական ճակատ» կուսակցությունը հայտարարել է իշխող կոալիցիայից դուրս գալու մասին՝ այդպիսով արգելափակելով Գերագույն ռադան ցրելու՝ նորընտիր նախագահ Վլադիմիր Զելենսկու հնարավորությունը: Խորհրդարանի նիստի ժամանակ այս մասին հայտարարել է խմբակցության ղեկավար Մաքսիմ Բուրբակը, գրում է Lenta-ն:
Իր կուսակցության որոշումը Բուրբակը բացատրել է այն հանգամանքով, որ Ուկրաինայի քաղաքացիներն առաջիկա կես տարվա ընթացքում «նորընտիր նախագայից և խորհրդարանից վճռական քայլեր, գործողություններ և փոփոխություններ են սպասում»:
Գերագույն Ռադայի խոսնակ Անդրեյ Պարուբին արդեն հայտարարել էր մայիսի 17-ին կոալիցիայի գոյությունը դադարեցնելու մասին: Հիմա խորհրդարանը պետք է 30 օրվա ընթացքում նոր մեծամասնություն ձևավորի:
Օրենսդրության համաձայն՝ այդ ընթացքում նախագահն իրավունք չունի ցրել խորհրդարանը: Իսկ 30-օրյա ժամկետի ավարտին արդեն Ռադան ցրելն անհնար կլինի, քանի որ դրա լիազորությունների ավարտին կես տարուց պակաս ժամանակ կմնա, իսկ այդ ընթացքում խորհրդարանը կկարողանա աշխատել արդեն առանց կոալիցիայի:
Ավելի վաղ Վլադիմիր Զելենսկու ներկայացուցիչը հայտարարել էր, որ երդմնակալությունից հետո նորընտիր նախագահը մտադիր է խորհրդարանը ցրելու գործընթաց սկսել: Որոշումը նա պատճառաբանել է Ռադայում իշխող կոալիցիայի բացակայության հանգամանքով:
Հավելենք, որ Վլադիմիր Զելենսկու երդմնակալության արարողությունը նախանշված է մայիսի 20-ին:
