11.07.2026 | 23:11
Լինդա Նոսկովան՝ «Ուիմբլդոնի» չեմպիոն. ՏԵՍԱՆՅՈՒԹ
Ավստրիայում արգելվել է տարրական դպրոցներում հիջաբ կրել
Քաղաքականություն
16.05.2019 | 17:28
Ավստրիայի խորհրդարանը կողմ է քվեարկել օրինագծին, որով տարրական դպրոցների աշակերտուհիներին արգելվում է հիջաբ կրել: Այս մասին գրում է ՌԻԱ Նովոստին՝ վկայակոչելով Die Presse պարբերականը:
Բացառություն կարվի բժշկական գլխակապերի և վատ եղանակի ժամանակ գլխարկների համար: Միաժամանակ, նշվում է, որ արգելքը չի վերաբերում հրեական կիպայի և սիկհերի ավանդական գլխակապերի համար, քանի որ հիջաբի դեպքում խոսքը հագուստի պարագայի մասին է, որն «ամբողջությամբ ծածկում է մազերը կամ դրանց մեծ մասը»:
Նշենք, սակայն, որ օրինագիծը խորհրդարանի անդամների երկու երրորդի ձայներին չի արժանացել, այդ պատճառով սահմանադրական օրենքի կարգավիճակ չի ստացել:
2018 թվականի նոյեմբերին էլ ավստրիական խորհրդարանն արգելել էր հիջաբ կրել մանկապարտեզներում, իսկ 2017-ի հոկտեմբերի 1-ից երկրում արգելվել է հանրային վայրերում դեմքն ամբողջությամբ ծածկող կանացի մահմեդական զգեստ հագնելը:
