28.11.2024 | 23:27
Վրաստանում ցուցարարները շարժվում են դեպի խորհրդարան
Նյու Յորքի քաղաքապետը որոշել է առաջադրվել ԱՄՆ նախագահական ընտրություններին
Քաղաքականություն
16.05.2019 | 13:30
Նյու Յորքի քաղաքապետ Բիլ դե Բլազիոն որոշել է մասնակցել ԱՄՆ նախագահական ընտրություններին: Այս մասին գրում է Gazeta-ն՝ վկայակոչելով CNBC-ն:
Նշվում է, որ ընտրարշավին մասնակցության մասին պաշտոնապես հայտարարելուց հետո Դե Բլազիոն կնոջ հետ կմեկնի Հարավային Քարոլինա և Այովա:
Դե Բլազիոն Դեմոկրատական կուսակցության անդամ է: 2000 թվականին նա ղեկավարել է Սենատի ընտրություններին մասնակցող Հիլարի Քլինթոնի նախընտրական շտաբը: Ավելի վաղ նա խոստացել էր ԱՄՆ գործող նախագահ Դոնալդ Թրամփից գանձել չվճարված բոլոր հարկերը:
Դեմոկրատական կուսակցությունից ԱՄՆ նախագահի ընտրություններին առաջադրվելու ցանկության մասին արդեն ավելի քան երկու տասնյակ մարդ է հայտարարել: Իսկ Հանրապետական կուսակցության թեկնածուներն առայժմ երկուսն են՝ գործող նախագահ Դոնալդ Թրամփը և Մասաչուսեթսի նախկին նահանգապետ Բիլ Ուելդը:
Նախագահական ընտրությունները նախանշված են 2020 թվականի նոյեմբերի 3-ին:
