08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
885 մլն դրամի հարկային արտոնություն «ԷֆԱրՎի Մասրիկ» ընկերությանը․ ՏԵՍԱՆՅՈՒԹ
Տնտեսություն
16.05.2019 | 12:43
Կառավարությունը հարկային արտոնություն տվեց Երևան քաղաքում հագուստի արտադրությամբ զբաղվող «ԱՐՍ-ՖԱՅՆ» սահմանափակ պատասխանատվությամբ ընկերությանը՝ գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելով։
Նշյալ ապրանքները չեն ներմուծվում ԵՏՄ անդամ-երկրներից, քանի որ չեն բավարարում ընկերության տեխնիկական պահանջներին։
Ընկերությունը գործում է 2002 թվականից, այժմ աշխատում են 12 աշխատակից՝ 100 հազար դրամ աշխատավարձով, նախատեսվում է արտադրությունն ընդլայնել արտադրանքի ծավալը հասցնելով մինչև 230 մլն դրամի։
Մեկ այլ նախագծով՝ Կառավարությունը հարկային արտոնություն տվեց «ԷֆԱրՎի Մասրիկ» փակ բաժնետիրական ընկերությանը։
Ներդրումային ծրագրի շրջանակներում ընկերությունը նախատեսում է ՀՀ Գեղարքունիքի մարզի Վարդենիս շրջանում կառուցել 55 ՄՎտ հզորությամբ արևային ֆոտովոլտային կայան։ Գործունեությունը նախատեսվում է սկսել 2020 թվականից։
Ներկայացված ներդրումային ծրագրի շրջանակներում ընկերությունը մտադիր է կատարել ընդհանուր շուրջ 28 մլրդ դրամի չափով ներդրում: Նշված ներդրման գումարի շուրջ 22,3 մլրդ դրամը սարքավորումներ են, սակայն մեծ մասը արդեն իսկ ազատված են ԱԱՀ-ից, այդ իսկ պատճառով ներառված չեն վերը նշված ցանկում։ Հետաձգման ենթակա սարքավորումների համար նախատեսված գումարը կկազմի 885,9 մլն դրամ։
Մանրամասները՝ տեսանյութում։
