22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Սուդանի Ռազմական խորհուրդն ու ընդդիմությունը պայմանավորվել են անցումային ժամանակաշրջանի հարցով
Քաղաքականություն
15.05.2019 | 16:13
Սուդանի Ռազմական խորհուրդն ու «Հանուն ազատության և փոփոխությունների» ալյանսի ներկայացուցիչները համաձայնություն են ձեռք բերել երկրում եռամյա անցումային ժամանակաշրջան հաստատելու հարցով: Այս մասին գրում է «Ինտերֆաքս»-ը՝ վկայակոչելով Al Arabiya հեռուստաալիքը:
Ռազմական խորհրդի ներկայացուցիչը տեղեկացրել է, որ առաջին վեց ամիսներին մարտական գործողությունների գոտիներում ապստամբների հետ խաղաղության պայմանագրեր կկնքվեն:
Սուդանի զինվորական իշխանությունները հաղորդել են նաև, որ ընդդիմության հետ պայմանավորվել են 300 անձից կազմված օրենսդիր խորհուրդ ձևավորել: Պայմանավորվածությունների ձևակերպումները պետք է ավարտին հասցվեն 24 ժամվա ընթացքում:
Նշենք, որ ապրիլի 11-ին Սուդանի պաշտպանության նախարար Ավադ իբն Աուֆը հայտարարեց նախագահ Օմար Բաշիրի ձերբակալության մասին, որը երկիրը ղեկավարում էր 1989 թվականից ի վեր:
Բաշիրի պաշտոնանկությունից հետո Սուդանում ռազմական խորհուրդ ձևավորվեց, որը երկիրը կղեկավարի երկու տարի՝ մինչև նոր կառավարության կազմավորումը:
