16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իրանը պաշտոնապես հրաժարվեց միջուկային գործարքի շրջանակում իր պարտավորությունների մի մասի կատարումից
Քաղաքականություն
15.05.2019 | 12:44
Իրանը մայիսի 15-ից պաշտոնապես դադարեցրել է Գործողությունների համատեղ համապարփակ ծրագրի շրջանակում իր պարտականությունների մի մասի կատարումը: Այս մասին գրում է ՏԱՍՍ-ը՝ վկայակոչելով ISNA-ն:
Աղբյուրի փոխանցմամբ՝ որոշումն ընդունել է Իրանի Ազգային անվտանգության բարձրագույն խորհուրդը: «Մի քանի օրվա ընթացքում հանրությանը կտեղեկացվի ձեռնարկված քայլերի մասին, մենք կհայտարարենք նաև Արաքում և Նաթանզում գտնվող օբյեկտներ լրատվամիջոցների ներկայացուցիչների այցի ծրագրերի մասին»,- ասել է Ատոմային էներգիայի գործակալության ներկայացուցիչը:
Աղբյուրը նաև նշել է, որ Թեհրանը կարող է վերսկսել ուրանի հարստացման աշխատանքները և դադարեցնել Արաքում ծանր ջրի ռեակտորի արդիականացումը, եթե միջուկային գործարքի մասնակիցները 60 օրվա ընթացքում չկատարեն համաձայնագրի պահանջները:
Նշենք, որ Գործողությունների համատեղ համապարփակ ծրագիրն ընդունվել է 2015 թվականին՝ Իրանի, ՄԱԿ-ի Անվտանգության խորհրդի մշտական անդամների և Գերմանիայի միջև: 2018-ի մայիսի 8-ին, սակայն, ԱՄՆ-ն դուրս է եկել գործարքից:
