24.06.2026 | 19:55
Նավթային գերտերություն՝ առանց բենզինի․ ինչ է կատարվում Ռուսաստանում. ՏԵՍԱՆՅՈւԹ
Ակտիվիստները գրավել են Վաշինգտոնում Վենեսուելայի դեսպանատունը. իրավապահները չեն կարողանում հեռացնել նրանց
Քաղաքականություն
14.05.2019 | 12:45
Ակտիվիստները գրավել են Վաշինգտոնում Վենեսուելայի դեսպանատունը: ԱՄՆ գաղտնի ծառայության աշխատակիցներն ու ոստիկանությունը պահանջել է լքել դիվանագիտական ներկայացուցչության տարածքը, սակայն չեն հաջողության չեն հասել՝ ձերբակալության թույլտվության բացակայության պատճառով: Այս մասին ՏԱՍՍ-ին հայտնել է CodePink ամերիկյան կանանց հակառազմական շարժման հիմնադիրներից Մեդեա Բենջամինը:
Նրա տեղեկացմամբ՝ ներկայում շենքում չորս ակտիվիստ կա: Նրանք որոշել են Վենեսուելայի ընդդիմության ներկայացուցիչներին՝ Կառլոս Վեկյոյի գլխավորությամբ, թույլ չտալ դեսպանատուն մտնել:
Նշենք, որ Վեկյոյին ԱՄՆ-ում Վենեսուելայի գործերի ժամանակավոր հավատարմատար է նշանակել այդ երկրի ընդդիմության առաջնորդ Խուան Գուայդոն: Վեկյոն Twitter-ում գրել է, որ ամերիկյան իրավապահներն ակտիվիստներից պահանջել են անհապաղ հեռանալ դեսպանատնից:
«Ոմանք դուրս եկան, իսկ ոմանք որոշեցին մնալ: Ենթադրում եմ՝ ձերբակալության թույլտվությունը շուտով կլինի, հնարավոր է՝ վաղը: Սակայն զարմանալի է այն, որ հինգ շաբաթ շարունակ, երբ ակտիվիստները Պետքարտուղարության կամքին հակառակ դեսպանատան շենքում են, ոստիկանները չկարողացան նույնիսկ բավականաչափ կազմակերպվել՝ ձերբակալության թույլտվություն ստանալու համար»,- գրել է Կառլոս Վեկյոն:
CodePink-ից էլ հայտնել են, որ ոստիկանները մտել են Վենեսուելայի դեսպանատան տարածք, զրուցել ակտիվիստների հետ, հետո հեռացել:
