16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Հյուսիսային Կորեան շարունակում է հրթիռային փորձարկումները
Քաղաքականություն
11.05.2019 | 12:07
Հարավային Կորեայի իշխանությունները հայտարարում են, որ, Հյուսիսային Կորեան երկու բալիստիկ հրթիռների փորձարկում է կատարել, գրում է VOA-ն:
Հարավային Կորեայի Միացյալ շտաբի հաղորդագրության համաձայն, բալիստիկ հրթիռների փորձարկումը Հյուսիսային Կորեայի կողմից կատարվել է երկրի Հյուսիսային Փյոնգան շրջանում, որտեղից հրթիռները ուղղվել են դեպի երկրի հյուսիս-արեւմտյան օդային տարածք: Հարավային Կորեայի նախագահ Մուն Ջեինը կոչ է արել Փհենյանին զերծ մնալ հրթիռների փորձարկումներից.
«Մենք այդ փորձարկումները չենք դիտարկում որպես միջկորեական ռազմական համաձայնագրի խախտում, սակայն, ցանկանում եմ զգուշացնել՝ եթե Հյուսիսային Կորեան կրկնի դրանք, մեր բանակցությունները կբարդանան»:
Սպիտակ տանն իր ելույթում նախագահ Թրամփը նույնպես դժգոհություն է հայտնել փորձարկումների պատճառով.
«Ոչ ոք դրանից գոհ չէ, մենք ուշադիր հետեւում ենք: Տեսնենք, թե ինչպես կզարգանա իրավիճակը: Գիտեմ, որ նրանք ցանկանում են բանակցել, սակայն, չեմ կարծում՝ նրանք պատրաստ են բանակցելու»:
Փորձարկումները կարող են բարդացնել միջուկային խնդրի շուրջ բանակցությունները Դոնալդ Թրամփի եւ Հյուսիսային Կորեայի առաջնորդ Քիմ Չան Ընի միջեւ: Քիմը ցանկանում է, որ ԱՄՆ-ը թուլացնի պատժամիջոցները որպես Հյուսիսային Կորեայի ապամիջուկայնացման բանակցություններում բարի կամքի դրսեւորում, մինչդեռ Թրամփը հայտարարել է, որ որեւէ թուլացում չի լինի, մինչեւ ինքը չտեսնի իրական քայլեր Քիմի կողմից:
