16.01.2026 | 22:40
Ժաննա Անդրեասյանին շնորհվել է Մատենադարանի երախտագիտության մեդալ
Զգուշացրել եմ շատ խիստ, ոչ ոք ինձնից թող չնեղանա. Հայկ Մարության. ՏԵՍԱՆՅՈՒԹ
Հասարակություն
10.05.2019 | 11:22
Երաշխավորում եմ, որ քանի ես քաղաքապետ եմ, ոչ մի առողջ ծառ հենց այնպես չի կտրվելու, հենց այնպես չի ոչնչացվելու: Երևանի 2800-ամյակին նվիրված այգու բացմանը լրագրողների հետ զրույցում այս մասին ասաց քաղաքապետ Հայկ Մարությանը՝ անդրադառնալով դիտարկմանը, որ շատերը դժգոհում էին, թե այգու վերակառուցման ժամանակ ծառեր են հատվել:
«Այստեղ կային հիվանդ, խնդիր ունեցող ծառեր, դրանք փոխարինվել են շատ ավելի բարձր որակով ծառերով: Այսինքն՝ այստեղ քաղաքը ոչ թե կորցրել է, հակառակը՝ ձեռք է բերել ավելի որակյալ ծառատեսակներ»,- ասաց քաղաքապետը:
Լրագրողի հարցին ի պատասխան անդրադառնալով շենքերի վերելակների խնդրին՝ Հայկ Մարությանն ասաց, որ մեծ ծրագիր են մշակում, որով նախատեսվում են ամբողջությամբ փոխել վերելակները:
«Բայց այս հարցում մեզ հետ պետք է լինեն նաև բնակիչները: Քանի որ այդ գույքը պատկանում է բնակիչներին, մեր խնդիրն է, որ մենք փոխարինենք այդ վերելակները, իսկ բնակիչները տարիների ընթացքում վճարեն դրանց գումարը: Սա է հարցը»,- հավելեց նա:
Մանրամասները՝ տեսանյութում:
Ռոբերտ Անանյան
