16.01.2026 | 22:40
Ժաննա Անդրեասյանին շնորհվել է Մատենադարանի երախտագիտության մեդալ
Անցումային արդարադատությունը չի ենթադրում արտակարգ դատարանների կամ «տրոյկաների» ստեղծում․ ՏԵՍԱՆՅՈՒԹ
Քաղաքականություն
10.05.2019 | 11:31
«Անցումային արդարադատություն» ասվածը շատերի մոտ խնդիրներ առաջացրեց, բայց ներկա փուլում այն մեխանիզմները, որոնք փորձ են արվում ներդրվել մեր երկրում, այդ վտանգավոր գնահատականների հետ կապ չունեն։
Այս մասին այսօր Ազգային ժողովում, անդրադառնալով անցումային արդարադատության ներդրման վերաբերյալ քննարկումներին, ասաց ՀՀ գլխավոր դատախազ Արթուր Դավթյանը։
«Մեր երկրում ներկայումս ընթացող մեխանիզմների մշակումը չի ենթադրում արտակարգ դատարանների կամ տրոյկաների ստեղծում։ Բոլոր մեխանիզմներն ունեն միջազգային չափանիշներին համապատասխանության ապահովման խնդիր և բոլոր մեխանիզմների հանգուցալուծումը լինելու է այսօրվա դատական համակարգի կողմից արդարադատության իրականացումը»,- ասաց Արթուր Դավթյանը՝ որպես այդպիսի մեխանիզմ մատնանշելով այս պահին մշակման փուլում գտնվող ապօրինի ծագում ունեցող գույքի բռնագանձման և ծանր ու առանձնապես ծանր հանցագործություններով պետությանը պատճառված վնասի վերականգնման մասին օրենքները։
«Սրանք բոլորն էլ ենթադրում են դատարանի կողմից համապատասխան լուծումներ, բայց այլ բան է, որ դրանք մեզ հնարավորություն են տալիս անցնելու այսօրվա իրավակարգավորումներին խոչընդոտող գործընթացներին։ Հետապնդում է իրականացվելու ապօրինի գույքի և ոչ թե անձի նկատմամբ, այն էլ այն գույքի, որը ձեռք է բերվել հանցավոր համագործակցության արդյունքում»,- ասաց Գլխավոր դատախազը։
Մանրամասները՝ տեսանյութում։
