24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Գերմանիան վետո կկիրառի ԵՄ-Թուրքիա Մաքսային միության պայմանագրի ընդլայնման դեմ
Քաղաքականություն
31.08.2017 | 16:02
Գերմանիայի կանցլեր Անգելա Մերկելը վետոյի իրավունք կկիրառի Թուրքիայի և Եվրամիության (ԵՄ) միջև մաքսային միության վերաբերյալ պայմանագրի ընդլայնման դեմ: Ըստ թուրքական «Haberler» լրատվամիջոցի՝ Մերկելը այդ մասին հայտարարել է Եվրահանձնաժողովի նախագահ Ժան Կլոդ Յունկերի հետ ունեցած դռնփակ հանդիպումից հետո:
Մերկելը մասնավորապես նշել է.«Գերմանիայի կառավարությունը ներկայիս պայմաններում, առաջիկա ամիսների ընթացքում, Մաքսային միության վերաբերյալ բանակցությունների համար լիազորություն չի տա»: Թուրքական աղբյուրը այս հայտարարությունը որակել է որպես սկանդալային:
Նշենք, որ, որ ԵՄ-ի Թուրքիայի մաքսային միության պայմանագրի ընդլայնման կետերը նախատեսում են, որ Թուրքիան ոչ միայն ազատ կարտահանի իր գյուղատնտեսական ապրանքները եվրոպական շուկա, այլև հնարավորություն կստանա մասնակցելու ԵՄ երկրներում կազմակերպվող պետական աճուրդներին:
Հիշեցնենք, որ ավելի վաղ այս պայմանագրի ընդլայնմանը դեմ էր արտահայտվել նաև Ավստրիայի արտաքին գործերի նախարար Սեբաստիան Կուրցը: Որպես դրա պատճառ նա առաջ էր քաշել Թուրքիայում տիրող լարված իրավիճակը:
