19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
«Աղբ ամեն տեղ էլ լինում է». ոստիկանապետ Վլադիմիր Գասպարյանը` իշխանության մեջ առկա աղբի մասին
Տեսանյութեր
09.05.2017 | 13:09
ՀՀ ոստիկանապետ Վլադիմիր Գասպարյանը կրկին վստահեցնում է` դեռ 60 տարի պաշտոնավարելու է: Այս մասին «Հաղթանակ» զբոսայգում` Մայիսի 9-ի տոնական միջոցառումների ժամանակ ասաց Վլադիմիր Գասպարյանը` խոսելով ձևավորվող կառավարության կազմում իր տեղի մասին:
Ճշտող հարցին` դեռ որքան է մնացել իր պաշտոնավարմանը, Գասպարյանը ժպտալով պատասխանեց. «Հլը 60 էլ»:
Վլադիմիր Գասպարյանն այդպես էլ անպատասխան թողեց Պաշտպանության նախարար նշանակվելու մասին հարցը, ապա օգնության կանչեց իր մամուլի քարտուղար Աշոտ Ահարոնյանին. «Աշոտ, հիմա ի՞նչ անեմ, ես առաջարկեցի, որ բավական լավ ֆանտազիա ունեմ, մի բան հնարենք, դա վերլուծեմ, նկարս կկպցնեք, նյութը կկարդան, էրեխեք»:
Հարցին, թե իր հայտարարությամբ` «էնքան աղբ կա հավաքելու» ո՞ւմ է նկատի ունեցել, Վլադիմիր Գասպարյանը արձագանքեց` ոչ թե ում, այլ հենց աղբը: Իսկ արդյոք իշխանության մեջ էլ աղբ կա՞, Գասպարյանը պատասխանեց. «Լսի’ հոգիս, աղբ ամեն տեղ էլ լինում է»:
