09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
Ռուսաստանն Ադրբեջանին БМП-3-ի մատակարարումը նախատեսում է ավարտել 2018 թ.-ին
Քաղաքականություն
31.08.2017 | 15:32
2010 թ. կնքված համաձայնագրի համաձայն՝ Ռուսաստանի կողմից Ադրբեջանին БМП-3 (հետևակի մարտական մեքենաներ) մատակարարումը նախատեսվում է ավարտել հաջորդ տարի: Այդ մասին հինգշաբթի օրը հայտնել է ՌԴ ռազմատեխնիկական համագործակցության համակարգում ТАСС գործակալության աղբյուրը:
«Մատակարարումների ավարտը նախատեսվում է 2018 թվականին»,- ասել է գործակալության զրուցակիցը:
Նշվում է, որ Մոսկվան և Բաքուն 2010 թվականին պայմանավորվել են զենքի և տեխնիկայի խոշոր խմբաքանակի մատակարարման մասին: ԶԼՄ-ների տվյալներով՝ խոսքը Т-90С
տանկերի, ինքնագնաց հրետանու, համազարկային կրակի ռեակտիվ և ծանր հրանետային համակարգերի մասին է: Ադրբեջանը նաև ձեռք է բերել վերանորոգման, տարհանման և ինժեներական աշխատանքների համար նախատեսված մեքենաներ: Պայմանագրի փաթեթի արժեքը կազմել է մինչև 1 միլիարդ դոլար:
