02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
«Ինչո՞ւ ոչ, քննարկենք»․ վարչապետ Կարեն Կարապետյանը՝ ԱԺ նախագահի թեկնածու Կարեն Կարապետյանի մասին
Քաղաքականություն
09.05.2017 | 12:50
ՀՀ վարչապետ Կարեն Կարապետյանը «վատ է վերաբերվում» «ՍԱՍ գրուպում» տեղի ունեցած նախընտրական ժողովին, սակայն դեռ տարակուսում է՝ արդյոք նման բան եղե՞լ է։ «Եթե դա ճիշտ է վատ եմ վերաբերվում, եթե ճիշտ չէ՝ իրավապահ մարմինները կհայտարարեն»,- այս մասին ասաց «Հաղթանակ» զբոսայգում տոնական միջոցառմանը մասնակցող վարչապետ Կարեն Կարապետյանը։
Ինչ վերաբերում է այն հարցին, թե արդյո՞ք «Տաշիր» ընկերության սեփականատեր Սամվել Կարապետյանի եղբոր՝ ԱԺ պատգամավոր Կարեն Կարապետյանի թեկնածությունը ԱԺ նախագահի պաշտոնում ընդունելի է իր համար, վարչապետը պատասխանեց․ «Ինչու ոչ, քննարկենք»։ Դիտարկմանը, թե կան տեղեկություններ, որ ռուսաստանաբնակ գործարարների կողմից ներդրումների իրականացումը խոչընդոտվում է, վարչապետը չհամաձայնեց ՝ հայտարարելով, որ գործընթացն աշխատանքային փուլում է։
«Երբ ներդրումներն անեն, դուք կտեսնեք։ Երբ հայտարարում են, որ ինվեստիցիա են անում, հաջորդ օրն ամբողջ ինվեստիցիաները լինո՞ւմ են, դեռ մեկ ամիս ժամանակ է անցել, բիզնես ծրագիր պետք է անեն»,- ասաց վարչապետը։
