20.06.2026 | 00:21
Կոտրված ապակիներ, մարմնական վնասվածքներ, խցանումներ․ ինչ վնաս է հասցրել կարկուտը Գյումրիում. ՏԵՍԱՆՅՈՒԹ
Ուկրաինայի գլխավոր դատախազությունը Պորոշենկոյին հարցաքննության է կանչել
Քաղաքականություն
06.05.2019 | 17:18
Ուկրաինայի գլխավոր դատախազությունը Պյոտր Պորոշենկոյին հարցաքննության է կանչել: Այս մասին գրում է ՌԻԱ Նովոստին:
Պորոշենկոն վկայի կարգավիճակով անցնում է «եվրամայդանում» մարդկանց զոհվելու գործով: Հարցաքննության հստակ ժամկետը հայտնի չէ, սակայն նշվում է,որ քննիչները ցանկանում են պետության ղեկավարի հետ զրուցել վաղը:
Ավելի վաղ Պյոտր Պորոշենկոն հայտարարել էր, որ 2014 թվականին «եվրամայդանի» ժամանակ անձամբ է դուրս բերել զոհվածների մարմինները, ինչպես նաև օգնել է վիրավորներին:
Այդ իրադարձությունների ակտիվ մասնակից, ուկրաինացի քաղաքական գործիչ Օլեգ Ցարևը ՌԻԱ Նովոստիին ասել է, որ Պորոշենկոն չէր կարող «եվրամայդանից» դուրս բերել զոհվածներին և վիրավորներին, քանի որ չափանազանց հազվադեպ էր այնտեղ լինում, ավելին՝ երկար ժամանակ ընդհանրապես չէր կարողանում կողմնորոշվել՝ ո՞ր կողմին հարել:
