18.10.2026 | 19:05
Աշխարհը միջազգային հարաբերությունների նշանակալի փոփոխությունների փուլում է․ Միրզոյան․ ՏԵՍԱՆՅՈւԹ
Իսրայելի ուղղությամբ հասցվող հարվածների կապակցությամբ ԱՄՆ-ն ու ԵՄ-ն հայտարարություն են տարածել
Քաղաքականություն
05.05.2019 | 19:01
Եվրամիությունը և ԱՄՆ պետքարտուղարությունը կոչ են արել դադարեցնել Գազայի հատվածից Իսրայելի ուղղությամբ հասցվող օդային հարվածները: Այդ մասին ասված է Եվրամիութայն արտաքին քաղաքականության ծառայության խոսնակ Մայա Կոսյանչիչի և ԱՄՆ պետքարտուղարության տարածած հայտարարություններում. գրում է korrespondent.net-ը:
«Այս վտանգավոր իրավիճակի դեէսկալացիան ծայրահեղ անհրաժեշտ է քաղաքացիական անձանց կյանքի պաշտպանության համար: Իսրայելցիներն ու պաղեստինցիները խաղաղ պայմաններում ապրելու իրավունք ունեն»,- ասված է Եվրամիության հայտարարության մեջ:
ԱՄՆ-ն իր հերթին հայտարարել է, որ Իսրայելի կողմից է և լիովին աջակցում է «այդ զարհուրելի պայմաններում» Իսրայելի ինքնապաշտպանության իրավունքին:
«Միացյալ Նահանգները դատապարտում է Գազայի հատվածից «ՀԱՄԱՍ» և «Իսլամական ջիհադ» պաղեստինյան շարժումների կողմից ամբողջ Իսրայելի քաղաքացիական խաղաղ բնակչության նկատմամբ իրականացվող հրթիռային հարվածների չդադարող տարափը: Մենք կոչ ենք անում բռնության պատասխանատուներին անհապաղ դադարեցնել ագրեսիան»,- ասվում է ԱՄՆ պետքարտուղարության հայտարարության մեջ:
Հիշեցնենք, որ նախօրեին Գազայի հատվածից Իսրայելի ուղղությամբ հարյուրավոր հրթիռներ և ականներ էին արձակվել, իսրայելական հակաօդային պաշտպանության համակարգերը որսացել էին դրանց մի մասը:
