24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Թուրքիան պատրաստվում է Սիրիայում նոր ռազմական գործողություն սկսել. Ahaber
Քաղաքականություն
30.08.2017 | 19:48
Թուրքիայի բանակը սեպտեմբերին պատրաստվում է «Եփրատի վահան» ռազմական գործողության նման երկրորդ նմանատիպ օպերացիան սկսել Սիրիայի հյուսիսում: Ըստ թուրքական «Ahaber» պարբերականի՝ Թուրքիայի նոր թիրախը սիրիական Իդլիբ նահագն է:
Միջանկյալ նշենք, որ այժմ Իդլիբում լարված իրավիճակ է և տեղի ծայրահեղականները փորձում են տարածքը իրենց վերահսկողության տակ վերցնել: Իսկ Թուրքիան, Իրանը և Ռուսաստանը նպատակ ունեն կանխել դա՝ ռազմական միջամտությամբ:
Ըստ թուրքական «Ahaber» լրատվական կայքի՝ գործողությունը նախատեսվում է սկսել սեպտեմբերի 13-15-ին Աստանայում՝ սիրիական ճգնաժամի վերաբերյալ տեղի ունենալիք ժողովից հետո:
Նշվում է, որ Աստանայում երեք երաշխավոր երկրները՝ Թուրքիան, Իրանը և Ռուսաստանը, Իդլիբը ծայրահեղականներից մաքրելուց հետո նախատեսում են ստանձնել նահանգի որոշ հատվածներում անվտանգության ապահովման երաշխավորների դերը:
Կայքը գրում է, որ օգտվելով առիթից Թուրքիան իրավունք կստանա զորքեր մտցնել Իդլիբ, որպեսզի կանխի վերջինիս հանձնումը Սիրիայի քրդական ուժերին:
Առայժմ այս մասին, Թուրքիայի բարձրաստիճան պաշտոնյաների կողմից որևէ պաշտոնական հայտարարություն չի արվել:
