18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
Արգիշտի Քյարամյանը՝ ՊՎԾ գործերի կառավարչին աշխատանքից ազատելու առաջարկի մասին
Հասարակություն
03.05.2019 | 17:56
Քիչ առաջ Factor.am-ին հաջողվեց կապ հաստատել ՊՎԾ պետի պաշտոնակատար Արգիշտի Քյարամյանի հետ: Նա նշեց, որ ՊՎԾ գործերի կառավարիչ Հովիկ Հարությունյանի խոսքերն իրականությանը չեն համապատասխանում:
«Բացարձակ իրականությանը չի համապատասխանում: Դիմում գրել-գնալու հետ կապված որևէ աշխատակցի հետ խոսակցություն չի եղել»,- վստահեցրեց Քյարամյանը:
Անդրադառնալով այն տեղեկություններին, որ Արգիշտի Քյարամյանը պետի պաշտոնակատար նշանակվելուց հետո աշխատակիցների է ընդունում ՊՎԾ, Քյարամյանը նշեց, որ ընդամենը մեկ աշխատակցի է ընդունել աշխատանքի: Խոսքը լրատվության գծով օգնականի մասին է:
Հիշեցնենք, որ ՊՎԾ գործերի կառավարիչ Հովիկ Հարությունյանը մեզ հետ զրույցում հաստատել էր տեղեկությունը, որ Արգիշտի Քյարամյանն առաջարկել է իրեն դիմում գրել ու հեռանալ:
