03.02.2026 | 16:27
Ե՞րբ և ինչպե՞ս կարող է փոխվել Առողջության համընդհանուր ապահովագրության շահառուի կարգավիճակը․ պարզաբանում է նախարարը
«Հաշմանդամություն ունեցող լավագույն մարզիկ» մրցույթում լավագույն ՀՀ ԱԻՆ բասկետբոլի թիմն էր
30.08.2017 | 18:26
Օգոստոսի 30-ին Ծաղկաձորի գլխավոր մարզահամալիրում ամփոփվեցին օրերս մեկնարկած ՀՀ Նախագահի մրցանակի համար անցկացվող «Հաշմանդամություն ունեցող լավագույն մարզիկ» մրցույթի արդյունքները, որից հետո տեղի ունեցավ հաղթողների ու մրցանակակիրների պարգևատրման արարողությունը:
Առաջնությանը մասնակցում էր ՀՀ մարզերի և Երևան քաղաքի լսողական, տեսողական, հենաշարժողական, մտավոր խնդիրներ ունեցող շուրջ 120 մարզիկ և հասարակական կազմակերպությունների ներկայացուցիչներ: Մարզիկները մրցել են շախմատ, սեղանի թենիս, դարթս, բազկամարտ, շաշկի, եռամարտ և բասկետբոլ մարզաձևերում:
ՀՀ ԱԻՆ բասկետբոլի թիմը, մրցույթին մասնակցող 4 թիմերի՝ ՀՀ ԱԻՆ, Երևանի, Տավուշի և Գեղարքունիքի մարզերի թիմերի միջև առաջնությունում զբաղեցրեց 1-ին տեղը:
Բազկամարտի մինչև 70 կգ քաշային կարգի մարզիկների միջև առաջնությունում 1-ին տեղն է գրավել ՀՀ ԱԻՆ Լոռու մարզի Ճգնաժամային կառավարման կենտրոնի աշխատակից Հ. Մխիթարյանը:
Հաղթողներն ու մրցանակակիրները պարգևատրվեցին ՀՀ Նախագահի վկայագրերով, հուշամեդալներով և դրամական մրցանակներով, իսկ 1-3-րդ տեղերը զբաղեցրած թիմերին հանձնվեցին գավաթներ ու շնորհակալագրեր:
