12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Հնդկաստանում մրրկահողմի պատճառով 1 մլն մարդ է տարհանվել, օդանավակայաններ և երթուղային կայարաններ են փակվել
Քաղաքականություն
03.05.2019 | 12:34
Հնդկաստանի արևելյան Օդիշա նահանգում «Ֆանի» հզոր մրրկահողմի մոտենալու պատճառով ավելի քան 220 գնացքի ուղերթ է չեղարկվել: Միաժամանակ, երկրի Քաղավիացիայի վարչությունը հայտարարել է Բհուբանեշվար և Կալկաթա քաղաքների օդանավակայանների փակման մասին: Այս մասին գրում է ՏԱՍՍ-ը:
Օդիշայից ավելի քան 1 մլն մարդ է տարհանվել: Նրանց տեղակայում են ափամերձ շրջաններից հեռու ստեղծված ժամանակավոր ճամբարներում:
«Ֆանի» մրրկահողմը նահանգին է մոտենում Բենգալյան ծոցի կողմից: Այն իր հետ հորդառատ անձրևներ և ուժգին քամի կբերի: Տարերքը կարող է վնաս հասցնել նաև հարևան Անդհրա Փրադեշ և Արևմտյան Բենգալ նահանգներին:
Տարբեր գնահատականներով՝ սա վերջին 20 տարվա ընթացքում հնդկական այս նահանգին պատուհասած ամենահզոր մրրկահողմը կլինի: 1999 թվականին նման մրրկահողմն ավելի քան 10 հազար մարդու կյանք է խլել:
ՌԾՈՒ-ն և ափամերձ պահպանության ծառայության աշխատակիցները շուրջօրյա հերթապահություն կսահմանեն՝ օգնելով տեղի բնակիչներին և վերացնելով մրրկահողմի հետևանքները:
