20.03.2026 | 14:00
«1 տարվա մեջ 3 ոստիկանապետի փոփոխություն ենք տեսել․ եթե ամեն ինչ էսքան լավ ա, բա ինչի՞ ա էսքան վատ»․ Գեղամ Մանուկյան․ ՏԵՍԱՆՅՈՒԹ
«Սևան» ազգային պարկ» ՊՈԱԿ-ի տարածքում մարվել են օգոստոսի 29-ին բռնկված հրդեհի օջախները
30.08.2017 | 15:06
ՀՀ բնապահպանության նախարարության բնության հատուկ պահպանվող տարածքներում շարունակվում են իրականացվել խիստ հսկողություն և հակահրդեհային միջոցառումներ:
Օգոստոսի 29-ին «Սևան» ազգային պարկ» ՊՈԱԿ-ի տարածքում արձանագրվել է հրդեհի բռնկման երկու դեպք.
Ժամը 16:00-ի սահմաններում «Սևան» ազգային պարկ» ՊՈԱԿ-ի Արևիկի մասնաճյուղի Փամբակ տեղամասում անհայտ պատճառով հրդեհ է բռնկվել, ինչի արդյունքում այրվել է մոտավորապես 5 հա չոր խոտածածկ տարածք:
Ժամը 20:00-ի սահմաններում «Սևան» ազգային պարկ» ՊՈԱԿ-ի Արտանիշի մասնաճյուղի Դրախտիկ տեղամասում անհայտ պատճառով հրդեհ է բռնկվել, ինչի արդյունքում այրվել է 500մ2 չոր խոտածածկ տարածք: Ձեռնարկված միջոցառումների արդյունքում հրդեհները մարվել են:
Հիշեցնենք, որ համաձայն ՀՀ բնապահպանության նախարար Ա. Մինասյանի 2017թ. հուլիսի 17-ի N 232-Ա հրամանի` ՀՀ բնապահպանության նախարարության ենթակայության տակ գտնվող բնության հատուկ պահպանվող տարածքները գտնվում են շուրջօրյա խստացված հսկողության տակ, ձեռնարկվում են կանխարգելիչ միջոցառումներ:
