07.10.2026 | 14:23
Հարավային Կովկասում կայուն խաղաղության հեռանկարն ավելի իրատեսական է թվում, քան նախկինում․ Չավուշօղլու
Կարծում եմ՝ անդամահատման կարիք չի լինի. Արթուր Վանեցյանը՝ Դավիթ Սանասարյանին կաշառք տալու տեսանյութի մասին. ՏԵՍԱՆՅՈՒԹ
Հասարակություն
02.05.2019 | 15:38
«Դուք պատկերացնո՞ւմ եք, թե ինչքան մարդու է մեղադրանք առաջադրվում ԱԱԾ քննչական դեպարտամենտում, որը նախաքննության ընթացքում չի հաստատվում: Դավիթ Սանասարյանն ինչո՞վ է տարբերվում մնացած ՀՀ քաղաքացիներից: Եթե կապացուցվի, որ Սանասարյանի գործում տեղի են ունեցել կեղծիքներ, ապօրինություններ, և այլն, և այլն, կեղծիքների հեղինակները պատասխան կտան օրենքի առջև»,- այս մասին այսօր Factor.am-ի հարցին ի պատասխան՝ ասաց ԱԱԾ տնօրեն Արթուր Վանեցյանը:
Օրերս ՊՎԾ նախկին ղեկավար Դավիթ Սանասարյանը հայտարարել էր, որ այն խմբագրությունը, որը կտարածի տեսանյութ, թե ինքը կաշառք է վերցնում, պատրաստ է հենց այդ խմբագրությունում կտրել իր ձեռքը:
Factor.am-ն ԱԱԾ տնօրենից հետաքրքրվեց՝ կա՞ նման տեսանյութ, որին ԱԱԾ տնօրենը արձագանքեց. «Չեմ կարծում, որ անդամահատության կարիք է լինելու»:
Անդրադառնալով հարցին՝ արդյո՞ք ՊՎԾ գործով կալանավորված, ապա ազատ արձակված Սամվել Ադյանից ցուցմունք կորզելու համար կիրառվել են կոմպրոմատներ, ԱԱԾ տնօրենը հորդորեց նման փաստեր ունենալու դեպքում դիմել մյուս իրավապահ կառույցներին:
Մանրամասները՝ տեսանյութում:
Ռոբերտ Անանյան
