01.05.2026 | 10:36
Ուկրաինական ԱԹՍ-ները կրկին հարձակվել են Տուապսեի վրա. ծովային տերմինալի տարածքում հրդեհ է բռնկվել
Կանադայում հեղեղումների հետևանքով ավելի քան 12 հազար մարդ է տարհանվել
Քաղաքականություն
01.05.2019 | 16:54
Կանադայի արևելյան Քվեբեկ, Նյու Բրանսուիք և Օնտարիո նահանգներում գետերի վարարումների հետևանքով ավելի քան 12 հազար մարդ հարկադրված է եղել լքել տները: Այս մասին գրում է ՏԱՍՍ-ը՝ վկայակոչելով CTV-ն:
Քվեբեկի իշխանությունների տվյալներով՝ միայն այս շրջանում տարերքի պատճառով շուրջ 10 հազար մարդ է տարհանվել: Նահանգում 6.7 հազար տուն ջրի տակ է անցել, ավելի քան 3.4 հազարը շրջապատվել է ջրով: Նյու Բրանսուիքում էլ 9.2 հազար բնակելի տուն է վնասվել, Օնտարիոյում՝ 1.000 տուն:
Այս շրջաններում երկրի Զինված ուժերի շուրջ 2.5 հազար զինծառայող կամավորների հետ միասին պաշտպանական ամբարտակներ է կառուցում գետերի ափերին:
Քվեբեկի և Նյու Բրանսուիքի իշխանությունները հաղորդել են, որ շուտով գետերի ջուրը կսկսի նվազել: Փոխարենը Օնտարիոյում դեռևս բարդ իրավիճակ է: «Վատագույնն առջևում է»,- ասել է Օտտավայի քաղաքապետ Ջիմ Ուոթսոնը: Միաժամանակ, օդերևութաբանների կանխատեսմամբ, առաջիկա օրերին Օնտարիոյում կարող են հորդառատ անձրևներ տեղալ:
