08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Ամերիկյան ավիաընկերություններին արգելել են թռչել Վենեսուելայի օդային տարածքով
Քաղաքականություն
01.05.2019 | 16:24
ԱՄՆ-ի Դաշնային ավիացիոն վարչությունը (ԴԱՎ) ամերիկյան աավիաընկերություններին հորդորել է 48 ժամվա ընթացքում լքել Վենեսուելայի տարածքը: Այս մասին ասված է արտակարգ իրադրության մասին կարգադրությունում, գրում է ՏԱՍՍ-ը:
Ամերիկյան ավիաընկերություններն ու դրանց պատկանող օդանավերը, որոնք «այս կարգադրության հրապարակման պահին գտնվում են Վենեսուելայի տարածքում կամ օդային տարածքում, կարող են 48 ժամվա ընթացքում հնարավոր ամենաարագ երթուղիներով լքել Վենեսուելայի տարածքը և օդային տարածքը»:
Բացի այդ՝ ավիացիոն վարչությունն ամերիկյան օդանավերին արգելել է Վենեսուելայի օդային տարածքով թռչել 8 կմ-ից ցածր բարձրությամբ:
Ավիացիոն իշխանություններն այս որոշումը բացատրել են այդ երկրում «ուժգնացող քաղաքական անկայունությամբ և լարվածությամբ», ինչը թռիչքների համար վտանգ կարող է ներկայացնել:
