10.01.2025 | 23:14
ՊԵԿ նախագահն ընդունել է Հնդկաստանի դեսպանին
Ճապոնիայի նոր կայսր Նարուհիտոն գահ բարձրացավ
Քաղաքականություն
01.05.2019 | 12:25
Ճապոնիայի նոր կայսր Նարուհիտոն գահ է բարձրացել և առաջին անգամ դիմել ժողովրդին:
«Երդվում եմ Սահմանադրությանը համապատասխան կատարել Ճապոնիայի խորհրդանիշի պարտականոթյուններս»,- ասել է Նարուհիտոն: Այս մասին գրում է Gazeta-ն՝ վկայակոչելով NHK-ն:
Կայսրն ասել է, որ ձգտելու է խաղաղության ամբողջ աշխարհում: Նշենք, որ Նարուհիտոյի գահակալության պաշտոնական արարողությունը տեղի կունենա ավելի ուշ՝ հոկտեմբերին:
59-ամյա գահաժառանգ արքայազն Նարուհիտոն Ճապոնիայի 126-րդ կայսրն է: Այսպիսով, Ճապոնիայում սկիզբ դրվեց «Ռեյվա» դարաշրջանին, ինչը նշանակում է կարգուկանոն և ներդաշնակություն:
Նարուհիտոյի հայրը՝ 89-ամյա Ակիհիտոն, պաշտոնապես գահից հրաժարվեց ապրիլի 30-ին: Նա այդ մասին հայտնել էր դեռևս 2016 թվականին: Մեկ տարի անց Ճապոնիայի խորհրդարանը հավանության արժանացրեց օրինագիծը, որը կայսրին թույլ տվեց գահը փոխանցել իր ժառանգորդին: Այսպիսով, Ակիհիտոն 200 տարվա ընթացքում առաջին կայսրը դարձավ, որը հրաժարվեց լիազորություններից:
