28.09.2026 | 12:10
Թաթան կոպիտ սխալ է որակել սեպտեմբերի 27-ին համերգ ցուցադրելը // Պապիկյանն անակնկալ զորամաս է այցելել․ ԼՈՒՐԵՐ
Նորզելանդական Քրայսթչերչում փաթեթ են վնասազերծել, որում կարող էր պայթուցիկ սարք լինել
Քաղաքականություն
30.04.2019 | 13:16
Նոր Զելանդիայի Քրայսթչերչ քաղաքի արվարձանում ոստիկանությունը կասկածելի փաթեթ է վնասազերծել: Ավելի վաղ հաղորդվել էր, որ կասկածելի առարկաների մասին տեղեկությունից հետո մի տղամարդ է ձերբակալվել. գրում է ria.ru-ն:
Դեպքի վայր են ժամանել ռումբի վնասազերծման մասնագետներ, ինչպես նաև ոստիկանության, հրշեջ և արտակարգ իրավիճակների ծառայությունների ներկայացուցիչներ:
«Ոստիկանությունը պարզել է, ենթադրաբար, պայթուցիկ սարք շարունակող փաթեթի գտնվելու վայրը՝ Քրայսթչերչի Նյուքասլ փողոց: Նոր Զելանդիայի ԶՈՒ-ի պայթուցիկ առարկաների վնասազերծմամբ զբաղվող խումբը վնասազերծել է փաթեթը»,- ասված է ոստիկանության հաղորդագրությունում:
Հիշեցնենք, որ մարտի 15-ին Քրայսթչերչի երկու մզկիթներում տեղի ունեցած հրաձգության հետևանքով, վերջին տվյալներով, 50 մարդ է զոհվել, ևս 50-ը՝ վիրավորվել:
Նոր Զելանդիայի վարչապետ Ջասինդա Արդերնը տեղի ունեցածն ահաբեկչություն է որակել: Սպանության մեղադրանք է առաջադրվել 28-ամյա ավստրալացի Բրենթոն Թարանթին:
